پاکستانی بھی فیفا ورلڈ کپ کے جنون میں مبتلا، بڑی سکرینوں پر سیمی فائنل دیکھا

دنیا بھر کی طرح پاکستان میں بھی فیفا ورلڈ کپ کا جنون شائقینِ فٹ بال کے سر چڑھ کر بول رہا ہے۔ کراچی سمیت سندھ بھر میں فٹ بال کے متوالوں کی ایک بڑی تعداد نے بڑی اسکرینوں پر میچ دیکھ کر اپنی پسندیدہ ٹیموں کی بھرپور حوصلہ افزائی کی۔ فٹ بال کے گڑھ کہلائے جانے والے علاقے لیاری کے انٹرنیشنل اسٹیڈیم میں شائقین کا غیر معمولی ہلہ گلہ اور جوش و خروش دیکھنے کو ملا، جہاں سابق پاکستانی نژاد برطانوی ورلڈ چیمپئن باکسر عامر خان نے بھی خصوصی طور پر شرکت کی اور بڑی اسکرین پر میچ کا لطف اٹھایا۔ اس موقع پر محکمہ کھیل سندھ کی جانب سے کراچی کے علاقے ملیر اور حیدرآباد میں بھی بڑی اسکرینیں نصب کی گئی تھیں، جہاں شہریوں کی کثیر تعداد نے جمع ہو کر فرانس اور اسپین کے درمیان کھیلے گئے سنسنی خیز سیمی فائنل میچ کو دیکھا اور خوب داد دی