LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی

مولانا فضل الرحمان کا عوامی ایکشن کمیٹی کے نام اہم پیغام، اگلے اقدامات چند روز کے لیے مؤخر کرنے کی اپیل

Web Desk

15 July 2026

جمعیت علمائے اسلام (ف) کے سربراہ مولانا فضل الرحمان نے ضلع پونچھ کے صدر مقام راولاکوٹ اور گردونواح میں گزشتہ ایک ماہ سے زائد عرصے سے جاری عوامی ایکشن کمیٹی کے دھرنے کے حوالے سے ایک انتہائی اہم پیغام جاری کیا ہے۔ مولانا فضل الرحمان نے کہا کہ کمیٹی کے مطالبات اور دھرنے کے دوران پیش آنے والے ناخوشگوار واقعات کے بعد عوامی ایکشن کمیٹی نے ان پر اعتماد کا اظہار کرتے ہوئے ثالثی کا کردار ادا کرنے کی درخواست کی ہے، جس پر وہ ان کے شکر گزار ہیں۔ انہوں نے بتایا کہ جے یو آئی آزاد کشمیر کے قائد مولانا سعید یوسف خان اور راولاکوٹ کی قبائلی شخصیت کامران اعظم خان ان کے ساتھ مسلسل رابطے میں رہے، اور ان کی درخواست پر ہی کمیٹی نے اپنے اگلے سخت اقدامات کا اعلان مؤخر کیے رکھا۔

مولانا فضل الرحمان نے انکشاف کیا کہ اس سلسلے میں ان کا رابطہ پیپلز پارٹی کے چیئرمین بلاول بھٹو زرداری سے بھی ہوا ہے، جو اس وقت مظفرآباد میں موجود ہیں۔ بلاول بھٹو زرداری نے انہیں بتایا کہ وہ بھی حکومت سے بات چیت کے ذریعے دھرنے کا پرامن حل نکالنے کی مسلسل کوشش کر رہے ہیں تاکہ وہاں کوئی خون خرابہ یا فساد نہ ہو، اور اس حل کے لیے انہیں کچھ مہلت درکار ہے۔ مولانا فضل الرحمان نے کشمیری عوام اور پاکستان کے درمیان باہمی اعتماد کی بحالی کو ناگزیر قرار دیتے ہوئے عوامی ایکشن کمیٹی سے پرزور اپیل کی ہے کہ وہ فی الحال اپنے اگلے احتجاجی اقدامات سے گریز کریں اور چند روز کی مہلت دیں تاکہ اس مثبت پیش رفت کے ذریعے مسئلے کا پرامن اور منصفانہ حل نکالا جا سکے۔