مریدکے: تیز رفتار ٹرالر نے کار کو روند ڈالا، ساس اور بہو جاں بحق، 3 افراد زخمی
Web Desk
13 July 2026
لاہور سیالکوٹ موٹر وے پر ایک تیز رفتار ٹرالر نے کار کو بے دردی سے روند ڈالا، جس کے نتیجے میں ایک ہی خاندان کی دو خواتین موقع پر ہی جاں بحق اور تین افراد شدید زخمی ہو گئے۔ موٹر وے پولیس کے مطابق، یہ المناک حادثہ اس وقت پیش آیا جب کار میں سوار خاندان گوجرانوالہ سے لاہور کی طرف جا رہا تھا۔ حادثے کی شدت اتنی زیادہ تھی کہ کار مکمل طور پر تباہ ہو گئی اور اس میں سوار ساس اور بہو دم توڑ گئیں، جن کی شناخت 60 سالہ فرزانہ ندیم اور 30 سالہ ثنا حمزہ کے نام سے ہوئی ہے۔
موٹر وے پولیس کی ابتدائی تحقیقات کے مطابق، یہ ہولناک حادثہ ٹرالر ڈرائیور کو اچانک نیند کی جھپکی آنے کے باعث پیش آیا، جس کے بعد بے قابو ٹرالر کار پر چڑھ دوڑا۔ حادثے کے فوری بعد سنگدل ڈرائیور گاڑی سمیت موقع سے فرار ہونے میں کامیاب ہو گیا۔ ریسکیو الیون ٹو ٹو (1122) کی ٹیموں نے جائے وقوعہ پر پہنچ کر لاشوں اور زخمیوں کو گاڑی کاٹ کر نکالا اور فوری طور پر تحصیل ہیڈ کوارٹر (THQ) ہسپتال منتقل کیا۔ ہسپتال انتظامیہ کے مطابق، زخمیوں میں 3 سالہ بچی میرال، اس کے 40 سالہ والد حمزہ ولد ندیم اور 60 سالہ دادا ندیم ولد یعقوب شامل ہیں، جنہیں طبی امداد فراہم کی جا رہی ہے۔ پولیس نے مفرور ڈرائیور اور ٹرالر کی تلاش کے لیے ناکہ بندی کر کے قانونی کارروائی کا آغاز کر دیا ہے۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026
پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار
16 November 2026
پنجاب دھی رانی پروگرام، ساہیوال میں 89 جوڑوں کی اجتماعی شادیوں کی تقریب
16 November 2026