ٹیلر سوئفٹ کی شاہانہ شادی، ممدانی نے سیکیورٹی اخراجات کی تفصیل بتا دی

نیویارک سٹی (NYC) کے میئر ظہران ممدانی نے ایک پریس کانفرنس کے دوران انکشاف کیا ہے کہ عالمی شہرت یافتہ پلاک اسٹار ٹیلر سوئفٹ نے اپنی شادی کے موقع پر ہونے والے تمام سیکیورٹی اور پرمٹ کے سرکاری اخراجات خود ادا کیے ہیں۔ میڈیا رپورٹس کے مطابق، ٹیلر سوئفٹ نے میڈیسن اسکوائر گارڈن میں منعقدہ اپنی ہائی پروفائل شادی کی تقریبات کے لیے نیویارک سٹی انتظامیہ کو 1 لاکھ 60 ہزار ڈالر (تقریباً 4 کروڑ 45 لاکھ پاکستانی روپے) سے زائد کی رقم ادا کی، جو پولیس کی اضافی نفری کی تعیناتی اور دیگر بلدیاتی انتظامات پر خرچ ہوئی۔ میئر ممدانی نے واضح کیا کہ اس خطیر رقم کی پیشگی ادائیگی کے بعد نیویارک کے ٹیکس دہندگان یا شہر کے خزانے پر کوئی اضافی مالی بوجھ نہیں پڑا۔ واضح رہے کہ 36 سالہ ٹیلر سوئفٹ اور این ایف ایل (NFL) اسٹار ٹریوس کیلسی کی اس شاندار شادی میں ایک ہزار کے قریب مہمانوں نے شرکت کی تھی، جس کے لیے سخت سیکیورٹی کے باعث اطراف کی سڑکیں بند کی گئی تھیں۔ امریکی میڈیا کے مطابق، اگرچہ مجموعی لاگت کی سرکاری تصدیق نہیں ہوئی، تاہم اس شاہانہ تقریب پر تقریباً ڈیڑھ کروڑ ڈالر تک خرچ آنے کا امکان ظاہر کیا جا رہا ہے۔