او آئی سی خواتین کانفرنس کا خصوصی نغمہ اور دستاویزی فلم جاری

پاکستان میں منعقد ہونے والی 9 ویں او آئی سی (اسلامی تعاون تنظیم) وزارتی کانفرنس برائے خواتین کے حوالے سے ایک خصوصی نغمہ اور دستاویزی فلم باقاعدہ طور پر جاری کر دی گئی ہے۔ ترجمان کے مطابق، یہ اہم بین الاقوامی کانفرنس وفاقی دارالحکومت اسلام آباد کے جناح کنونشن سینٹر میں 12 اور 13 جولائی کو منعقد ہو رہی ہے، جس میں او آئی سی کے رکن ممالک سے اعلیٰ سطح کے وفود اور مندوبین شرکت کر رہے ہیں۔ دو روزہ کانفرنس کے دوران مسلم امہ میں خواتین کو بااختیار بنانے، ان کی سماجی و اقتصادی ترقی اور باہمی تعاون کو فروغ دینے سے متعلق مختلف اہم امور پر تفصیلی تبادلہ خیال کیا جائے گا۔