مذہبی تصویر کشی کیس؛ پیمرا کا نجی ٹی وی چینل پر ایک کروڑ روپے جرمانہ، 15 روزہ معطلی برقرار
Web Desk
11 July 2026
پاکستان الیکٹرانک میڈیا ریگولیٹری اتھارٹی (پیمرا) نے 10 محرم الحرام کو نجی ٹی وی چینل جیو نیوز کے پروگرام “سفرِ عشق” میں متنازع مذہبی تصویر کشی کے کیس کا حتمی فیصلہ جاری کرتے ہوئے چینل پر ایک کروڑ روپے جرمانہ عائد کر دیا ہے اور نشریات کی 15 روزہ معطلی کے حکم کو برقرار رکھا ہے۔ پیمرا اتھارٹی نے اپنے 191ویں اجلاس میں کونسل آف کمپلینٹس لاہور کی سفارشات اور اسلامی نظریاتی کونسل کی رائے کا تفصیلی جائزہ لینے کے بعد قرار دیا کہ یہ خلاف ورزی انتہائی سنگین نوعیت کی ہے جو پیمرا قوانین اور الیکٹرانک میڈیا کوڈ آف کنڈکٹ 2015 کی صریحاً خلاف ورزی ہے۔ فیصلے کے مطابق، 27 جون 2026ء کوچینل جیو نیوز کا لائسنس 15 روز کے لیے معطل کرنے کا اقدام درست تھا اور یہ معطلی آج رات 12 بجے مکمل ہوگی، تاہم چینل کی نشریات ایک کروڑ روپے جرمانے کی ادائیگی کے بعد ہی بحال کی جا سکیں گی۔ پیمرا نے چینل جیو نیوز انتظامیہ کو ہدایت کی ہے کہ وہ غفلت کے ذمہ دار متعلقہ افراد کو فوری طور پر ملازمت سے برطرف کرے، جو آئندہ پیمرا کے زیرِ نگرانی کسی بھی میڈیا سروس سے منسلک نہیں ہو سکیں گے۔ اتھارٹی نے تمام ٹی وی چینلز کو سخت وارننگ دی ہے کہ وہ سپریم کورٹ کے 2018ء کے ازخود نوٹس فیصلے پر سختی سے عمل کریں اور مواد کی پیشگی جانچ کے لیے باصلاحیت ان ہاؤس مانیٹرنگ کمیٹیاں تشکیل دیں، بصورتِ دیگر آئندہ خلاف ورزی پر لائسنس منسوخ کر دیا جائے گا۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
007 فلم سیریز میں بڑی تبدیلی، رابرٹ پیٹنسن نئے جیمز بانڈ بن گئے
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026
پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار
16 November 2026