5 سال سے زیر تعمیر یونیورسٹی روڈ پیپلز پارٹی کی کرپشن اور لاپرواہی کا نمونہ ہے: مفتاح اسماعیل
Web Desk
11 July 2026
عوام پاکستان پارٹی کے سیکرٹری جنرل اور سابق وفاقی وزیرِ خزانہ مفتاح اسماعیل نے کراچی میں ایک ہنگامی پریس کانفرنس سے خطاب کرتے ہوئے سندھ حکومت اور پاکستان پیپلز پارٹی (PPP) کی کارکردگی کو آڑے ہاتھوں لیا ہے۔ انہوں نے کہا کہ کراچی کا اہم ترین ‘یونیورسٹی روڈ’ گزشتہ 5 سال سے زیرِ تعمیر ہے، جو پیپلز پارٹی کی مبینہ کرپشن، نااہلی اور مجرمانہ لاپرواہی کا کھلا نمونہ بن چکا ہے۔ ان کا کہنا تھا کہ پانچ سالوں میں ایک سڑک کا نہ بن پانا کراچی کے عوام کے ساتھ مذاق اور پیپلز پارٹی کی کارکردگی پر بہت بڑا سوالیہ نشان ہے، صوبائی حکومت کو اب اس پر تھوڑا دھیان دے دینا چاہیے۔
مفتاح اسماعیل نے تعلیم کی دگرگوں صورتحال پر تشویش کا اظہار کرتے ہوئے انکشاف کیا کہ وفاقی اردو یونیورسٹی کے اساتذہ کو گزشتہ تین ماہ سے تنخواہیں تک نہیں ملیں، جہاں متوسط طبقے کے بچے تعلیم حاصل کرتے ہیں۔ انہوں نے سندھ حکومت کو ہدفِ تنقید بناتے ہوئے کہا کہ یہ حکومت تاجروں اور شہریوں سے بھاری ٹیکس تو جمع کرتی ہے لیکن سہولیات دینے میں ناکام ہے۔ عالمی ‘لیوایبل انڈیکس’ (Livable Index) کا حوالہ دیتے ہوئے سیکرٹری جنرل عوام پاکستان پارٹی کا کہنا تھا کہ دنیا کے 173 بدترین شہروں کی فہرست میں کراچی 170 ویں نمبر پر آ چکا ہے؛ سندھ میں گزشتہ 18 سال سے پیپلز پارٹی بلا شرکتِ غیرے حکومت کر رہی ہے، اس لیے وہ اب اپنی ناکامیوں کا ملبہ جنرل ضیاء یا جنرل مشرف پر ہرگز نہیں ڈال سکتے۔
انہوں نے مزید کہا کہ سندھ میں تعلیم، صحت اور پولیس کا نظام مکمل طور پر تباہ ہو چکا ہے۔ ملکی معیشت پر بات کرتے ہوئے مفتاح اسماعیل نے کہا کہ گزشتہ چار سالوں کے دوران پاکستانیوں کی اوسط آمدنی میں واضح کمی ہوئی ہے جبکہ ملک میں پیٹرول کی قیمتوں میں اضافے کی اصل وجہ حکومت کی جانب سے لگائے گئے بھاری ٹیکسز ہیں۔ انہوں نے سرکاری اعداد و شمار کا حوالہ دیتے ہوئے بتایا کہ چار سال میں مہنگائی کی شرح میں 78 فیصد تک ہوشربا اضافہ ہوا ہے، جس کی وجہ سے تنخواہ دار طبقہ شدید مشکلات کا شکار ہے اور ملک کی 29 فیصد آبادی خطِ غربت سے نیچے زندگی گزارنے پر مجبور ہو چکی ہے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026