منشیات ڈیلر پنکی کو قابلِ اعتراض کپڑے پہننے کی اجازت نہیں دے سکتے، جیل حکام
Web Desk
11 July 2026
کراچی کی جوڈیشل مجسٹریٹ جنوبی کی عدالت میں بدنام زمانہ منشیات ڈیلر ملزمہ انمول عرف پنکی کے خلاف قتل کے مقدمے کی سماعت ہوئی، جہاں جیل حکام نے ملزمہ کو قابلِ اعتراض لباس پہننے کی اجازت دینے سے صاف انکار کر دیا۔ ملزمہ انمول عرف پنکی کی جانب سے جیل میں بنیادی سہولیات اور ادویات فراہم نہ کیے جانے کے خلاف دائر درخواست پر ویمن جیل سپرنٹنڈنٹ نے عدالت کے روبرو پیش ہو کر تفصیلی جواب داخل کیا۔
سماعت کے دوران عدالت نے جیل حکام سے استفسار کیا کہ ملزمہ کو جیل کے اندر ادویات اور متبادل کپڑے کیوں فراہم نہیں کیے جا رہے؟ جس پر ویمن جیل سپرنٹنڈنٹ نے مؤقف اختیار کیا کہ ہمیں ملزمہ کو کپڑے فراہم کرنے پر کوئی اعتراض نہیں ہے، لیکن جیل کے اپنے قوانین اور ضوابط ہوتے ہیں، اس لیے ملزمہ کو جیل کے اندر قابلِ اعتراض یا غیر مناسب کپڑے پہننے کی اجازت ہرگز نہیں دی جا سکتی۔ ویمن جیل آفیسر نے عدالت کو یقین دہانی کرائی کہ ملزمہ باہر سے کوئی بھی نارمل یا مناسب کپڑے منگوا کر پہن سکتی ہے، انتظامیہ کو اس پر کوئی اعتراض نہیں ہوگا۔
ملزمہ کی صحت اور ادویات کے حوالے سے جیل حکام نے عدالت کو بتایا کہ انمول عرف پنکی کا سول اسپتال کراچی سے باقاعدہ علاج چل رہا ہے اور اسپتال کے متعلقہ ڈاکٹرز کی جانب سے تجویز کردہ تمام ضروری ادویات اسے جیل مینوئل کے مطابق باقاعدگی سے فراہم کی جا رہی ہیں۔ عدالت نے ویمن جیل حکام کا تفصیلی مؤقف اور یقین دہانی سننے کے بعد ملزمہ انمول عرف پنکی کی جانب سے دائر کردہ درخواست کو باقاعدہ نمٹا دیا۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026
پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار
16 November 2026
پنجاب دھی رانی پروگرام، ساہیوال میں 89 جوڑوں کی اجتماعی شادیوں کی تقریب
16 November 2026