LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی

ایس ای سی پی کا انقلابی قدم؛ اب IBAN کے ذریعے ڈیجیٹل ’کے وائی سی‘ ہوگی، نادرا کے بلاک شناختی کارڈز پر انویسٹمنٹ اکاؤنٹس بھی فوری بلاک کرنے کا فیصلہ

Web Desk

11 July 2026

سیکیورٹیز اینڈ ایکسچینج کمیشن آف پاکستان (SECP) نے ملک میں کیپٹل مارکیٹ اور انشورنس خدمات تک رسائی کو جدید اور انتہائی آسان بنانے کے لیے ایک انقلابی ڈیجیٹل ’کے وائی سی‘ (KYC) نظام متعارف کروا دیا ہے۔ اس سلسلے میں ایس ای سی پی نے اینٹی منی لانڈرنگ ریگولیشنز 2020ء میں باقاعدہ ترامیم کی منظوری دیدی ہے۔ نئے ضوابط کے تحت اب سرمایہ کاروں اور صارفین کی تصدیق ان کے بینک اکاؤنٹ کے انٹرنیشنل بینک اکاؤنٹ نمبر (IBAN) کے ذریعے براہِ راست کی جا سکے گی، جس کے بعد اسٹاک مارکیٹ میں نیا اکاؤنٹ کھلوانے یا انشورنس کے لیے روایتی تصدیقی دستاویزات کی فراہمی اور بار بار بائیو میٹرک کروانے کی ضرورت بالکل ختم ہو گئی ہے۔

ایس ای سی پی کے مطابق اب سیکیورٹیز بروکرز، انشورنس کمپنیاں، نان بینکنگ فنانشل کمپنیز (NBFCs) اور مضاربہ کمپنیاں آئی بین کے ذریعے صارفین کی فوری ڈیجیٹل تصدیق کرنے کی مجاز ہوں گی۔ تاہم، اس نظام میں سیکیورٹی کو یقینی بنانے کے لیے لازمی قرار دیا گیا ہے کہ تمام ٹرانزیکشنز صرف اور صرف صارف کے اپنے تصدیق شدہ بینک اکاؤنٹ کے ذریعے ہی کی جائیں گی، جس سے مالیاتی لین دین میں شفافیت اور ٹریس ایبلٹی مزید بہتر ہو گی۔ اس نئے فریم ورک میں جدید بائیو میٹرک تصدیق بشمول چہرے کی شناخت (Facial Recognition) کی سہولت کو بھی ریگولیشنز کا حصہ بنا دیا گیا ہے۔

ریگولیٹری نظام کو مزید سخت کرتے ہوئے ایس ای سی پی نے واضح کیا ہے کہ نادرا (NADRA) کے بلاک شدہ شناختی کارڈز سے منسلک تمام سرمایہ کاری اکاؤنٹس کو اب فوری طور پر بلاک کیا جا سکے گا۔ اس حوالے سے چیئرمین ایس ای سی پی ڈاکٹر کبیر احمد سدھو کا کہنا ہے کہ کمیشن جدید ٹیکنالوجی کے مؤثر استعمال سے ملک میں سرمایہ کاری کے عمل کو نہ صرف آسان اور تیز رفتار بنا رہا ہے، بلکہ اسے پہلے سے کہیں زیادہ محفوظ اور شفاف بھی بنا رہا ہے تاکہ سرمایہ کاروں کا اعتماد بحال رہے۔