LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی

امریکی قونصل خانے کے وفد کا ای پی اے لاہور کا دورہ، سموگ کنٹرول اقدامات کو سراہا

Web Desk

11 July 2026

لاہور میں امریکی قونصل خانے کے ایک اعلیٰ سطح کے وفد نے ماحولیاتی تحفظ کے ادارے (ای پی اے) پنجاب کا اہم دورہ کیا، جہاں سینئر صوبائی وزیر مریم اورنگزیب نے وفد کا پرجوش استقبال کیا۔ اس موقع پر دیگر صوبائی وزراء بھی موجود تھے۔ امریکی وفد نے ای پی اے کے جدید کنٹرول روم کا معائنہ کیا اور فضائی آلودگی کی نگرانی کے ڈیجیٹل نظام، ایئر کوالٹی مینجمنٹ سسٹم اور لائیو اے کیو آئی (AQI) مانیٹرنگ کے طریقہ کار کا تفصیلی جائزہ لیا۔ سینئر وزیر مریم اورنگزیب نے وفد کو بریفنگ دیتے ہوئے بتایا کہ نومبر 2024 میں لاہور دنیا کا سب سے آلودہ شہر بن چکا تھا، لیکن وزیر اعلیٰ مریم نواز شریف کی سخت ہدایات اور مؤثر ماحولیاتی حکمت عملی کے نتیجے میں اب فضائی آلودگی کی صورتحال میں نمایاں بہتری آئی ہے اور حکومت نے ای پی اے کو مکمل اختیارات، وسائل اور جدید ترین ٹیکنالوجی فراہم کر دی ہے۔

مریم اورنگزیب نے سموگ کے خاتمے کے لیے کیے گئے اقدامات کی تفصیلات بتاتے ہوئے انکشاف کیا کہ فصلوں کی باقیات جلانے کی روک تھام کے لیے کسانوں کے لیے ‘سپر سیڈر’ مشین کا استعمال لازمی قرار دیا گیا ہے۔ انہوں نے بتایا کہ جب موجودہ حکومت نے چارج سنبھالا تو پنجاب میں صرف 250 سپر سیڈرز تھے، جن کی تعداد اب بڑھا کر 7 ہزار 500 کر دی گئی ہے اور اگلے سال تک 15 ہزار سپر سیڈرز کسانوں کو فراہم کرنے کا ہدف ہے، جس کی قیمت کا 60 فیصد حکومت خود ادا کر رہی ہے۔ انہوں نے مزید بتایا کہ گزشتہ دو برسوں کے دوران ماحولیاتی تحفظ اور جنگلات کے لیے تاریخی بجٹ مختص کیا گیا ہے، جبکہ پاکستان اور خطے کی پہلی ‘کلائمیٹ چینج آبزرویٹری’ بھی قائم کی جا رہی ہے جو موسمیاتی تبدیلیوں اور ماحولیاتی ڈیٹا کا مرکزی مرکز ہوگی۔

امریکی وفد کو بتایا گیا کہ پنجاب بھر میں صنعتی یونٹس کی 24 گھنٹے لائیو نگرانی کی جا رہی ہے اور شفافیت کے لیے ای پی اے کے تمام فیلڈ افسران کو باڈی کیمز فراہم کیے جا چکے ہیں، جبکہ تمام اینٹوں کے بھٹے اب زگ زیگ ٹیکنالوجی پر منتقل ہو چکے ہیں۔ اس کے علاوہ لاہور کے تمام موٹرویز، مالز اور ماڈل بازاروں کو پلاسٹک فری زون قرار دیا جا چکا ہے اور مرحلہ وار صوبے کے تمام کمرشل بازاروں کو بھی پلاسٹک فری بنایا جائے گا۔ قواعد کی خلاف ورزی کرنے والوں کے خلاف ‘روبو کال سسٹم’ اور پنجاب سیف سٹی اتھارٹی کے تعاون سے فوری ایکشن لیا جاتا ہے۔ امریکی وفد نے پنجاب اے کیو آئی موبائل ایپ، لائیو لوکیشن مانیٹرنگ اور ہیٹ ویو مانیٹرنگ سمیت پنجاب حکومت کے ان تمام جدید ماحولیاتی اقدامات میں گہری دلچسپی کا اظہار کیا اور اسے سراہا۔