شپنگ، بندرگاہوں اور گوادر کی ترقی کے لیے بڑے اقدامات کا اعلان
Web Desk
11 July 2026
بحری امور عمل درآمد کمیٹی نے ایک پریس کانفرنس کے دوران اپنی کارکردگی اور پیش رفت سے متعلق بتایا ہے کہ ملک کے بحری شعبے کی بہتری کے لیے مرتب کی گئی 99 اصلاحاتی سفارشات میں سے 84 پر عمل درآمد مکمل کر لیا گیا ہے جبکہ بقیہ سفارشات پر کام تیزی سے جاری ہے۔ یہ سفارشات وزیر اعظم کی ہدایت پر اگست 2024 میں قائم کی گئی میری ٹائم ٹاسک فورس نے تیار کی تھیں۔ ٹاسک فورس کے شریک چیئرمین افتخار راؤ نے بتایا کہ پاکستان کی 80 فیصد سے زائد تجارت سمندری راستوں سے ہوتی ہے، اس لیے بحری معیشت (بلیو اکانومی) کو قومی ترقی کا اہم ستون بنایا جا رہا ہے۔ انہوں نے گڈانی شپ بریکنگ انڈسٹری کی بحالی، ہانگ کانگ کنونشن پر عمل درآمد، اور گوادر سمیت موجودہ بندرگاہوں کی استعداد بڑھانے کے عزم کا اظہار کیا۔
پریس کانفرنس کے دوران ممبر ایف بی آر محبوب نے میری ٹائم شعبے کے لیے بڑے ٹیکس ریلیف کا اعلان کرتے ہوئے بتایا کہ شپنگ پر سیلز ٹیکس مکمل طور پر ختم کر دیا گیا ہے جبکہ کسٹمز کے نظام کو تیزی سے ڈیجیٹلائز کیا جا رہا ہے۔ انہوں نے کہا کہ اسمگلنگ اور غیر قانونی تجارت کے خلاف سخت اقدامات کی بدولت ٹائروں، فیبرکس اور الیکٹرانکس کی قانونی درآمدات میں نمایاں اضافہ ہوا ہے۔ مزید برآں، ممبر کسٹمز شکیل شاہ نے واضح کیا کہ آرٹیفیشل انٹیلیجنس (AI) پر مبنی جدید کسٹمز نظام اور ریئل ٹائم کارگو ٹریکنگ کا نفاذ کیا جا رہا ہے، جبکہ نئی قومی شپنگ پالیسی رواں ماہ منظوری کے لیے وفاقی کابینہ کو پیش کر دی جائے گی۔ کراچی پورٹ، پورٹ قاسم اور گوادر کی مربوط ڈیجیٹلائزیشن سے ملک کی بحری تجارت اور معیشت کو بڑا فروغ ملے گا
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں
17 November 2026
امریکا کا ایران پر واشنگٹن میں ڈرٹی بم حملے کی منصوبہ بندی کا الزام
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026