مٹی کے تیل کی قیمت میں 11 روپے 19 پیسے فی لیٹر اضافہ

حکومت نے پیٹرول اور ڈیزل کی قیمتیں بڑھانے کے بعد مٹی کے تیل کی قیمت میں بھی نمایاں اضافہ کر دیا ہے۔ حکومت کی جانب سے جاری کردہ نوٹیفکیشن کے مطابق، مٹی کے تیل کی قیمت میں 11 روپے 19 پیسے فی لیٹر کا اضافہ کیا گیا ہے، جس کے بعد اس کی نئی قیمت 242 روپے 33 پیسے فی لیٹر مقرر کر دی گئی ہے۔ واضح رہے کہ اس سے قبل مٹی کے تیل کی فی لیٹر قیمت 231 روپے 14 پیسے تھی۔ نئی قیمتوں کے اطلاق کے بعد مٹی کا تیل استعمال کرنے والے عام صارفین پر بھی اضافی مہنگائی کا بوجھ پڑے گا۔