پنجاب سیف سٹیز اتھارٹی کے دو منصوبوں کو عالمی اعزازات، مریم نواز کا اظہار مسرت
Web Desk
10 July 2026
وزیراعلیٰ پنجاب مریم نواز شریف نے اعلان کیا ہے کہ پنجاب سیف سٹیز اتھارٹی نے ٹیکنالوجی اور سمارٹ پولیسنگ کے میدان میں عالمی سطح پر ایک اور نمایاں کامیابی حاصل کی ہے۔ سوشل میڈیا پلیٹ فارم ‘ایکس’ پر جاری اپنے بیان میں انہوں نے بتایا کہ انٹرنیشنل ایسوسی ایشن آف چیفس آف پولیس (IACP) امریکہ نے گاڑیوں کے جرائم کی روک تھام میں بہترین ٹیکنالوجی کے استعمال پر پنجاب سیف سٹیز اتھارٹی کو سال 2026 کا “لیڈرشپ اِن دی پریونشن آف وہیکل کرائمز ایوارڈ” دینے کے لیے منتخب کیا ہے۔ مزید برآں، اتھارٹی کا بچوں کی حفاظت کے لیے قائم ورچوئل سینٹر “میرا پیارا” منصوبہ بھی اقوام متحدہ کے باوقار ‘WSIS ایوارڈز 2026’ میں ای گورننس کے زمرے میں “چیمپئن پروجیکٹ” قرار پایا ہے۔ وزیراعلیٰ کے مطابق، پنجاب سیف سٹیز اتھارٹی کے دو مزید اہم منصوبے، “ورچوئل ویمن پولیس اسٹیشن” اور “ورچوئل سینٹر فار چائلڈ سیفٹی”، ای گورننس کے شعبے میں دنیا کے بہترین 20 منصوبوں میں شامل کیے گئے ہیں۔ مریم نواز نے ان عالمی اعزازات کو پنجاب حکومت کے سمارٹ پولیسنگ وژن کی عکاسی قرار دیتے ہوئے آئی جی پنجاب اور ڈی جی پی ایس سی اے احسن یونس سمیت پوری ٹیم کو مبارکباد پیش کی۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں
17 November 2026
امریکا کا ایران پر واشنگٹن میں ڈرٹی بم حملے کی منصوبہ بندی کا الزام
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026