بہاولپور کے شیر باغ چڑیا گھر میں مورنی نامی شیرنی پر اسرار طور پر ہلاک

پنجاب کے شہر بہاولپور کے تاریخی شیر باغ چڑیا گھر میں ‘مورنی’ نامی شیرنی پراسرار طور پر ہلاک ہو گئی ہے۔ چڑیا گھر انتظامیہ اور ذرائع کے مطابق شیرنی صبح گیارہ بجے تک بالکل صحت مند اور چاق و چوبند تھی، تاہم وہ اچانک بے ہوش ہو کر گری اور دم توڑ گئی۔ چڑیا گھر میں تعینات ویٹرنری ڈاکٹر نے فوری معائنے کے بعد شیرنی کی موت کی تصدیق کی، جس کے بعد پوسٹ مارٹم کی قانونی کارروائی مکمل کر کے اسے چڑیا گھر کے احاطے میں ہی دفن کر دیا گیا۔ ماہرین کا کہنا ہے کہ شیرنی کی اچانک ہلاکت ممکنہ طور پر شدید گرمی اور ہیٹ اسٹروک کے باعث حرکتِ قلب بند ہونے سے ہوئی ہے، جبکہ پنجروں میں گرمی سے بچاؤ کے نامناسب انتظامات کا بھی امکان ظاہر کیا جا رہا ہے۔ ‘مورنی’ کی موت کے بعد اب چڑیا گھر میں شیروں کی مجموعی تعداد کم ہو کر 18 رہ گئی ہے