آزاد کشمیر میں امن و امان کی صورتحال کشیدہ؛ حکومت نے وفاق سے رینجرز اور ایف سی اہلکار مانگ لیے
Web Desk
10 July 2026
آزاد کشمیر حکومت نے ریاست میں امن و امان کی بگڑتی ہوئی صورتحال کو قابو میں رکھنے کے لیے وفاقی حکومت سے فوری عسکری و سکیورٹی معاونت کی درخواست کر دی ہے۔ وفاقی وزارتِ داخلہ کو بھیجے گئے ایک ہنگامی مراسلے میں حکومت نے فیڈرل کانسٹیبلری (FC) کے 4 ہزار اہلکار اور پاکستان رینجرز کی 7 ونگز فوری طور پر طلب کی ہیں۔ مراسلے میں کالعدم جے کے جے اے اے سی (JKJAAC) کی سرگرمیوں کو امن و امان کے لیے سنگین خطرہ قرار دیتے ہوئے انکشاف کیا گیا ہے کہ حالیہ پرتشدد جھڑپوں میں 4 سکیورٹی اہلکار شہید جبکہ 174 شدید زخمی ہو چکے ہیں۔ مراسلے کے مطابق پونچھ اور راولاکوٹ میں دھرنے جبکہ دیگر اضلاع میں احتجاجی سرگرمیوں کے باعث صورتحال انتہائی کشیدہ ہے، جہاں مسلح عناصر نے قانون نافذ کرنے والے اداروں اور شہریوں کو نشانہ بنانے کے ساتھ ساتھ اشیائے خورونوش لے جانے والے ٹرکوں کو بھی نذرِ آتش کیا۔ آزاد کشمیر حکومت کی اس باقاعدہ درخواست پر وفاق نے فوری ایکشن لیتے ہوئے اسلام آباد سے رینجرز اور ایف سی کے دستے روانہ کر دیے ہیں، جنہیں حساس اضلاع میں مرحلہ وار تعینات کیا جائے گا۔ ذرائع کا کہنا ہے کہ آنے والی نفری کا 50 فیصد اسلحہ و گولہ بارود اور 50 فیصد اینٹی رائٹ (انسدادِ ہنگامہ آرائی) کے آلات سے لیس ہوگا، جبکہ کسی بھی ناخوشگوار واقعے سے نمٹنے کے لیے سکیورٹی فورسز کو ہائی الرٹ کر دیا گیا ہے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں
17 November 2026
امریکا کا ایران پر واشنگٹن میں ڈرٹی بم حملے کی منصوبہ بندی کا الزام
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026