جمہوریت ہو یا بادشاہت، ممالک کو چلانے کے کچھ اصول ہوتے ہیں،اختر مینگل
Web Desk
10 July 2026
بلوچستان نیشنل پارٹی (BNP) کے سربراہ سردار اختر مینگل نے اسلام آباد میں ایک ہنگامی پریس کانفرنس سے خطاب کرتے ہوئے ملک اور بالخصوص بلوچستان کی مجموعی صورتحال پر گہری تشویش کا اظہار کیا ہے اور موجودہ سیاسی نظام کو کڑی تنقید کا نشانہ بنایا ہے۔ سردار اختر مینگل نے کہا کہ جمہوریت ہو یا بادشاہت، ممالک کو چلانے کے کچھ اصول ہوتے ہیں لیکن بدقسمتی سے یہاں سیاست ‘بھاؤ’ بن چکی ہے اور اقتدار کے لیے عوام کی حمایت کے بجائے دولت کی ضرورت پڑتی ہے۔ انہوں نے ججز کی تعیناتیوں کو ریوڑیوں کی طرح بانٹنے کی روایت اور عدالتی نظام پر سوال اٹھاتے ہوئے کہا کہ صحافت اور عدلیہ کو آزاد ہونا چاہیے۔ بلوچستان کی ابتر صورتحال پر روشنی ڈالتے ہوئے ان کا کہنا تھا کہ پورا صوبہ اس وقت ‘نو گو ایریا’ بن چکا ہے جہاں جلسے یا سیمینار کی بھی اجازت نہیں، اور وہاں کوئی ایسا دن نہیں گزرتا جب کسی کو اٹھا کر غائب نہ کیا جاتا ہو۔ انہوں نے وزیرِ داخلہ پر طنز کرتے ہوئے کہا کہ وہ شاید امریکہ ہمارے لیے ایس ایچ او ڈھونڈنے گئے ہیں۔ اختر مینگل نے زیارت واقعے کا ذکر کرتے ہوئے کہا کہ وہاں سے 42 لاشیں لائی گئیں مگر ایک تحصیلدار تک کو معطل نہیں کیا گیا، جبکہ دوسری طرف ایک صوبائی وزیر کو صرف وزیرِ اعلیٰ کی ہاں میں ہاں نہ ملانے پر برطرف کر دیا گیا۔ انہوں نے سوال اٹھایا کہ ملک میں سب سے بڑا جرم آئین توڑنا ہے، لیکن آج تک کسی آئین توڑنے والے کو سزا نہیں ہوئی، تو کیا بانی پی ٹی آئی اور ماہ رنگ بلوچ نے کوئی آئین توڑا ہے؟ بی این پی مینگل کے سربراہ نے واضح کیا کہ حالات کی بہتری کے لیے مذاکرات ضروری ہیں، تاہم اس سے قبل بانی پی ٹی آئی، ماہ رنگ بلوچ، علی وزیر اور ایمان مزاری سمیت تمام اسیران کو رہا اور تمام لاپتہ افراد (Missing Persons) کو فوری آزاد کیا جائے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026