بلوچستان سے ملک کے دیگر شہروں کیلئے ٹرین سروس آج دوسرے روز بھی معطل رکھنے کا فیصلہ

بلوچستان سے ملک کے دیگر حصوں کے لیے ٹرین سروس ریلوے ٹریک پر مرمتی کاموں کے باعث آج دوسرے روز بھی معطل رکھنے کا فیصلہ کیا گیا ہے۔ ریلوے حکام کے مطابق محکمہ ریلویز نے گزشتہ روز 9 جولائی کو ٹرین سروس عارضی طور پر بند کی تھی، تاہم ٹریک کی مرمت کا کام تاحال جاری ہونے کی وجہ سے یہ معطلی جمعہ 10 جولائی کو بھی برقرار رہے گی۔

اس فیصلے کے تحت پشاور جانے والی جعفر ایکسپریس کی روانگی آج مکمل طور پر منسوخ کر دی گئی ہے، جبکہ پشاور سے کوئٹہ آنے والی جعفر ایکسپریس کو بھی جیکب آباد تک محدود کر دیا گیا ہے۔ ریلوے حکام کا کہنا ہے کہ ٹرینوں کی اچانک معطلی اور منسوخی کے باعث مسافروں کو درپیش پریشانی کا اندازہ ہے، اس لیے تمام متاثرہ مسافروں کو ان کے ٹکٹوں کی پوری رقم (فل ریفنڈ) واپس کی جائے گی