LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی

بھارت اور اسرائیل پاکستان میں دہشت گردی کے واقعات میں ملوث ہے، راناثنااللہ

Web Desk

10 July 2026

مشیرِ وزیراعظم اور مسلم لیگ (ن) کے سینئر رہنما رانا ثناء اللہ نے انکشاف کیا ہے کہ بھارت افغانستان کی سرزمین کو استعمال کرتے ہوئے پاکستان میں باقاعدہ پراکسی وار (Proxy War) میں ملوث ہے اور دہشت گردوں کو ملنے والی مالی و ہتھیاروں کی سپلائی کے پیچھے اسرائیل بھی شامل ہے۔ سماء نیوز کے معلوماتی پروگرام ’ریڈ لائن‘ میں خصوصی گفتگو کرتے ہوئے رانا ثناء اللہ نے دوٹوک الفاظ میں کہا کہ دہشت گرد اس وقت جس جدید ٹیکنالوجی کا استعمال کر رہے ہیں، وہ ان کے اپنے بس کی بات نہیں تھی؛ اس جنگ میں اسرائیل کی شمولیت کے شواہد کافی حد تک سچ ہیں اور دہشت گردوں کو بڑے پیمانے پر فنڈز اور ہتھیار فراہم کیے جا رہے ہیں۔ انہوں نے واضح کیا کہ یہ امن و امان کا کوئی عام مسئلہ نہیں بلکہ دشمن ملک کی جانب سے پاکستان پر مسلط کردہ ایک باقاعدہ جنگ ہے، جسے ہمیں جنگ سمجھ کر ہی لڑنا ہوگا۔

رانا ثناء اللہ کا کہنا تھا کہ پاکستان کو عالمی سطح پر ملنے والی حالیہ عزت اور ترقی کے بغض میں دشمنوں نے یہ جنگ ہم پر مسلط کی ہے، جس کا مقصد ملک کا امن تباہ کرنا ہے۔ انہوں نے مثال دیتے ہوئے بتایا کہ جعفر ایکسپریس میں معصوم شہریوں کو شہید کرنے والے دہشت گردوں کے براہِ راست بھارت سے رابطے قائم تھے۔ انہوں نے صوبہ بلوچستان کی موجودہ صورتحال کو انتہائی سنجیدہ قرار دیتے ہوئے کہا کہ کالعدم بی ایل اے (BLA) اور فتنہ الخوارج کا گٹھ جوڑ خالصتاً پاکستان کو کمزور کرنے کے لیے ہے، لیکن پوری قوم متحد ہو کر اس جنگ کو لڑے گی۔ مشیرِ وزیراعظم نے مزید کہا کہ عوام کی جان کو عذاب میں ڈالنے والے ان عناصر کے خاتمے کے لیے حکومت اور سیکیورٹی اداروں نے انتہائی اہم اور بڑے فیصلے کیے ہیں جن پر سختی سے عمل درآمد کیا جائے گا، اور اس جنگ کو جیتنے کے لیے ریاست جو بھی ممکن ہوا وہ کرے گی۔