LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی

راولپنڈی میں ایک گھنٹے میں لڑائی جھگڑے کے دو واقعات، 13 سالہ لڑکا اور نوجوان قتل

Web Desk

9 July 2026

راولپنڈی کے تھانہ رتہ امرال کے علاقے میں اسٹریٹ کرائم اور لڑائی جھگڑوں کی سنگین صورتحال کے دوران محض ایک گھنٹے کے اندر قتل کے دو ہولناک واقعات پیش آئے ہیں، جن میں ایک 13 سالہ بچے سمیت دو افراد جان کی بازی ہار گئے ہیں۔ پولیس کے مطابق، پہلا افسوسناک واقعہ بابو لال حسین روڈ کی ایک گلی میں پیش آیا جہاں کھیلتے ہوئے بچوں کے مابین معمولی بات پر تکرار ہوئی۔ جھگڑے کے دوران 13 سالہ مجتبیٰ نے غصے میں آ کر اپنے ہی ہم عمر 13 سالہ عدنان پر چاقو سے پے در پے وار کر دیے۔ عدنان کو تشویشناک حالت میں فوری طور پر ہسپتال منتقل کیا گیا، تاہم وہ زخموں کی تاب نہ لاتے ہوئے دم توڑ گیا۔

اس لرزہ خیز واقعے کے کچھ ہی دیر بعد رتہ امرال ہی کے علاقے میں روڈ ریج (سڑک پر جھگڑے) کا دوسرا سنگین واقعہ پیش آیا۔ پولیس حکام کے مطابق، چکوال کا رہائشی نوجوان حیدر رضا اپنے دوست عبداللہ سے ملاقات کے لیے راولپنڈی آیا ہوا تھا۔ دونوں دوست جب شاپنگ کے لیے باہر نکلے تو سڑک پر گاڑی اوور ٹیک کرنے کے معمولی تنازع پر ایک نامعلوم گاڑی سوار سے ان کی تلخ کلامی ہو گئی۔ بات بڑھنے پر نامعلوم ملزم نے طیش میں آ کر حیدر رضا پر چاقو سے تلا توڑ وار کر دیے، جس کے نتیجے میں حیدر رضا شدید زخمی ہوا اور بعد میں ہسپتال میں زخموں کی تاب نہ لاتے ہوئے چل بسا۔ مقامی پولیس نے دونوں جائے وقوعہ سے اہم سائنسی شواہد اکٹھے کر کے ملوث ملزمان کی گرفتاری اور قانونی کارروائی کا باقاعدہ آغاز کر دیا ہے۔