LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی

فیروزوالا میں شوہر نے دوسری بیوی کو آگ لگا کر قتل کر دیا

Web Desk

9 July 2026

فیروزوالا کے علاقے کوٹ نور شاہ میں پسند کی دوسری شادی کرنے والی خاتون کو مبینہ طور پر آگ لگا کر بے دردی سے قتل کرنے کا ہولناک واقعہ پیش آیا ہے، جس کے بعد پولیس نے مقتولہ کے شوہر اور اس کی پہلی بیوی کے خلاف مقتل کا مقدمہ درج کر لیا ہے۔ پولیس حکام کے مطابق، مقتولہ تحریم بی بی نے دو سال قبل جہانزیب نامی شخص سے پسند کی دوسری شادی کی تھی، جبکہ ملزم کی پہلی بیوی سلمہ سے تین بچے بھی ہیں۔ درج کی گئی ایف آئی آر (FIR) کے مطابق، ملزم جہانزیب خان نے اپنی پہلی بیوی سلمہ کے ساتھ مل کر تحریم بی بی کو مبینہ طور پر آگ لگائی۔ ملزمان نے ابتدائی طور پر اس ہولناک واردات کو گیس لیکج کا حادثہ ظاہر کرنے کی کوشش کی تھی، تاہم پولیس کی ابتدائی تفتیش اور سائنسی شواہد کے بعد حقائق سامنے آنے پر اسے باقاعدہ قتل کا مقدمہ قرار دیا گیا۔

پولیس نے مقتولہ تحریم بی بی کی لاش کو تحویل میں لے کر پوسٹ مارٹم کے لیے ہسپتال منتقل کر دیا ہے۔ اس سنسنی خیز کیس میں اہم پیش رفت یہ سامنے آئی ہے کہ مقتولہ کا شوہر اور مرکزی ملزم جہانزیب خان محکمہ پولیس میں بطور اے ایس آئی (ASI) تھانہ مناواں میں تعینات ہے۔ واقعے کے فوراً بعد ملزم جہانزیب اور اس کی پہلی بیوی سلمہ موقع سے فرار ہونے میں کامیاب ہو گئے جن کی گرفتاری کے لیے پولیس کی خصوصی ٹیمیں تشکیل دے دی گئی ہیں۔ مقامی پولیس حکام کا کہنا ہے کہ ملزمان کے روپوش ٹھکانوں پر چھاپے مارے جا رہے ہیں اور قانون کی گرفت سے بچنے والے دونوں ملزمان کو جلد از جلد گرفتار کر کے انصاف کے کٹہرے میں لایا جائے گا۔