ناصر شاہ کی طبیعت ناساز، ابوظہی میں زیر علاج، چند روز میں وطن واپسی متوقع
Web Desk
9 July 2026
سندھ کے صوبائی وزیر بلدیات سید ناصر حسین شاہ کی طبیعت ناساز ہونے کے بعد انہیں علاج کے لیے متحدہ عرب امارات (یو اے ای) منتقل کیا گیا ہے، جہاں وہ ابوظہبی کے ایک ہسپتال میں زیرِ علاج ہیں۔ خاندانی اور محکمانہ ذرائع کے مطابق، سید ناصر حسین شاہ کی طبیعت وفاقی دارالحکومت اسلام آباد میں خراب ہوئی تھی، جس کے بعد انہیں فوری طور پر ابوظہبی منتقل کیا گیا جہاں جگر کے عارضے کے علاج کے لیے انہیں مخصوص انجیکشن لگایا گیا، جس سے ان کی حالت میں نمایاں بہتری آئی ہے۔ ذرائع کا کہنا ہے کہ صوبائی وزیر اب مکمل طور پر خطرے سے باہر ہیں اور ڈاکٹروں کی ہدایت کے مطابق چند روز آرام کے بعد وطن واپس لوٹیں گے۔
دوسری جانب، سید ناصر حسین شاہ کے صاحبزادے کمیل حیدر شاہ نے اپنے والد کی صحت کے حوالے سے تمام افواہوں کو مسترد کرتے ہوئے بتایا کہ ان کے والد بالکل خیریت سے ہیں۔ انہوں نے وضاحت کی کہ دبئی میں سید ناصر حسین شاہ کا ایک معمولی آپریشن ہوا تھا، جس کے بعد اب ان کی طبیعت سو فیصد بہتر ہے۔ کمیل حیدر شاہ کا مزید کہنا تھا کہ صوبائی وزیر بلدیات ڈاکٹروں کی جانب سے گرین سگنل ملنے اور طبیعت مزید بحال ہونے پر آئندہ چند روز کے اندر متحدہ عرب امارات سے سیدھے کراچی پہنچیں گے اور دوبارہ اپنی سرکاری و سیاسی سرگرمیوں کا آغاز کریں گے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026