محمود خان اچکزئی کی زیرِ صدارت تحریک تحفظِ آئین پاکستان کا اہم اجلاس، ملکی صورتحال پر تفصیلی مشاورت
Web Desk
9 July 2026
تحریک تحفظِ آئین پاکستان (TTAP) کا ایک اہم اور اعلیٰ سطح کا سربراہی اجلاس چیئرمین تحریک اور قائد حزبِ اختلاف قومی اسمبلی محمود خان اچکزئی کی زیرِ صدارت اسلام آباد میں جاری ہے، جس میں ملک کی مجموعی سیاسی، آئینی اور امن و امان کی صورتحال پر تفصیلی غور کیا جا رہا ہے۔ اجلاس میں اپوزیشن کی تمام اہم اتحادی جماعتوں کے قائدین اور رہنما شریک ہیں، جن میں علامہ راجہ ناصر عباس جعفری، سردار اختر جان مینگل، سینیٹر مشتاق احمد خان، زین شاہ، خالد یوسف چوہدری، صاحبزادہ حسن رضا، سینیٹر مصطفیٰ نواز کھوکھر، محمد زبیر عمر، اور عمار علی جان سمیت بلوچستان اور دیگر صوبوں کے ممتاز سیاسی رہنما اور قانون دان شامل ہیں۔
اجلاس کے دوران شرکاء کی جانب سے آزاد جموں و کشمیر میں جاری حالیہ عوامی احتجاج، مظاہرین کے خلاف طاقت کے مبینہ بے دریغ استعمال، اور بلوچستان و خیبر پختونخوا میں امن و امان کی مسلسل بگڑتی ہوئی صورتحال اور اس کے سیاسی و آئینی مضمرات پر گہری تشویش کا اظہار کیا گیا۔ اس کے ساتھ ہی، سابق وزیراعظم عمران خان اور دیگر تمام سیاسی اسیران کے ساتھ جیلوں میں کیے جانے والے سلوک، ان کے بنیادی انسانی و آئینی حقوق کی مسلسل پامالی، اور ملک میں قانون کی حکمرانی کی صورتحال کا تفصیلی جائزہ لیا گیا۔ اجلاس میں موجود تمام قائدین ملک میں آئین کی بالادستی، جمہوری اقدار کے تحفظ، اور سیاسی استحکام کی بحالی کے لیے ایک مضبوط اور مشترکہ آئندہ لائحہ عمل مرتب کرنے پر تبادلہ خیال کر رہے ہیں۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں
17 November 2026
امریکا کا ایران پر واشنگٹن میں ڈرٹی بم حملے کی منصوبہ بندی کا الزام
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026