مقدمہ جھوٹا اور بے بنیاد ہے، جیل بھیجنا ہے تو بھیج دیں؛ راولپنڈی عدالت کے باہر علیمہ خان کی گفتگو
Web Desk
9 July 2026
راولپنڈی کی انسدادِ دہشت گردی عدالت کے باہر میڈیا سے گفتگو کرتے ہوئے علیمہ خان کے وکیل فیصل ملک اور خود علیمہ خان نے مقدمے کو سیاسی اور بے بنیاد قرار دیتے ہوئے بریت کا کیس قرار دیا ہے۔ وکیل فیصل ملک نے بتایا کہ عدالت نے استغاثہ کا اعتراض مسترد کرتے ہوئے دفاعی گواہ پیش کرنے کی اجازت دی، جس کے بعد گواہ فتح اللہ برکی نے دسمبر 2024 کی ویڈیوز اور تحریری ٹرانسکرپٹ عدالت میں جمع کرا دیا ہے۔ انہوں نے مؤقف اپنایا کہ اگر 24 نومبر کی احتجاجی کال کا ذکر جرم ہے تو علیمہ خان سے پہلے حکومتی شخصیات یہ بات کر چکی تھیں، لہٰذا یہ کیس بریت کا بنتا ہے۔ دوسری جانب علیمہ خان نے میڈیا سے گفتگو میں کہا کہ بانی پی ٹی آئی تین سال سے عدلیہ اور میڈیا کی آزادی کے لیے قید کاٹ رہے ہیں جبکہ ججز کو دباؤ اور دھمکیوں کا سامنا ہے۔ انہوں نے واضح کیا کہ وہ حکومتی ٹائم ٹیبل پر سزا نہیں سنیں گی اور اگر جیل بھیجنا ہے تو بھیج دیا جائے، مگر سزا سے قبل خاندان سے ملنے کا وقت دیا جائے۔ علیمہ خان نے اعلان کیا کہ اڈیالہ احتجاج ختم نہیں ہوا بلکہ اس کا نیا اور بڑا مرحلہ شروع ہو چکا ہے جس میں خواتین بھی بھرپور حصہ لیں گی، جبکہ بانی پی ٹی آئی کے پرانے ٹویٹس کو ان کے آفیشل ایکس (ٹویٹر) اکاؤنٹ سے دوبارہ جاری کیا جائے گا۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026