صدر مملکت اور وزیراعظم کا لالک جان شہید (نشانِ حیدر) کو خراج عقیدت
Web Desk
7 July 2026
صدرِ مملکت آصف علی زرداری اور وزیر اعظم محمد شہباز شریف نے کارگل جنگ کے دوران وطنِ عزیز کی دفاع کی خاطر جامِ شہادت نوش کرنے والے حوالدار لالک جان شہید (نشانِ حیدر) کو ان کے یومِ شہادت پر زبردست خراجِ تحسین پیش کیا ہے۔
صدرِ مملکت آصف علی زرداری نے اپنے خصوصی پیغام میں شہید کی بے مثال بہادری، جرأت اور لازوال قربانی کو سلامِ عقیدت پیش کیا۔ انہوں نے کہا کہ پوری قوم آج کارگل جنگ کے اس عظیم سپوت کی شجاعت کو یاد کر رہی ہے۔ صدر زرداری کا کہنا تھا کہ حوالدار لالک جان شہید نے شدید زخمی ہونے کے باوجود دشمن کے پے در پے حملوں کو روکا اور اپنی جان کی پرواہ کیے بغیر مادرِ وطن کا دفاع کیا۔ انہوں نے زور دیا کہ شہید کی حب الوطنی اور قربانی پاکستان کی تاریخ میں ہمیشہ سنہری الفاظ میں لکھی جائے گی اور یہ قربانی آئندہ نسلوں کے لیے عزم و ہمت کی ایک روشن مثال ہے۔
وزیر اعظم محمد شہباز شریف نے اپنے پیغام میں حوالدار لالک جان شہید کی فرض شناسی کو سراہتے ہوئے کہا کہ دشمن کے ہتھکنڈے اور شدید حملے بھی شہید کے بلند حوصلوں کو پست نہ کر سکے۔ انہوں نے جان کی پرواہ کیے بغیر دشمن کے ناپاک عزائم کو خاک میں ملایا اور ملک و قوم کا سر فخر سے بلند کیا۔
وزیر اعظم نے عزم کا اعادہ کرتے ہوئے کہا کہ پاکستانی قوم اپنے شہداء کی عظیم قربانیوں کو کبھی فراموش نہیں کر سکتی۔ انہوں نے واضح کیا کہ افواجِ پاکستان کے شہداء اور ان کے غیور اہل خانہ مجھ سمیت پوری قوم کا فخر ہیں، اور وطنِ عزیز کی حفاظت کے اس غیر متزلزل مشن میں پوری قوم اپنی مسلح افواج کے شانہ بشانہ کھڑی ہے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026