LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

آزادانہ ماحول ملے تو آزاد کشمیر الیکشن بائیکاٹ پر نظرثانی کر سکتے ہیں، حکومت کی مذاکرات کی آفر صرف زبانی جمع خرچ ہے: بیرسٹر گوہر

Web Desk

6 July 2026

پاکستان تحریک انصاف (PTI) کے چیئرمین بیرسٹر گوہر علی خان نے پارلیمنٹ ہاؤس میں صحافیوں سے غیر رسمی گفتگو کرتے ہوئے آزاد کشمیر کے آئندہ انتخابات کے بائیکاٹ کے فیصلے پر نظرثانی کا بڑا اشارہ دے دیا ہے۔

بیرسٹر گوہر کا کہنا تھا کہ کسی بھی سیاسی جماعت کے لیے انتخابات کے بائیکاٹ کا فیصلہ انتہائی مشکل ہوتا ہے۔ انہوں نے واضح کیا کہ اگر پی ٹی آئی کو آزادانہ اور منصفانہ انتخابی ماحول فراہم کیا جائے اور پارٹی رہنماؤں و کارکنان کی پکڑ دھکڑ بند کی جائے، تو ہم آزاد کشمیر کے الیکشن میں حصہ لینے پر غور کر سکتے ہیں۔ تاہم، انہوں نے واضح کیا کہ فی الوقت پارٹی بائیکاٹ کے فیصلے پر قائم ہے، جو کہ اتحادیوں، سیاسی و لیگل کمیٹی اور آزاد کشمیر کی مقامی قیادت کی مکمل رضامندی اور مشاورت سے سوچ سمجھ کر کیا گیا تھا۔ انہوں نے الزام لگایا کہ وفاقی اور آزاد کشمیر کی حکومتیں وہاں شفاف انتخابات کا ماحول فراہم کرنے میں مکمل ناکام رہی ہیں، اسی لیے ہم عوامی امنگوں کے مطابق بائیکاٹ پر مجبور ہوئے۔ ان کا کہنا تھا کہ 33 حلقوں کے لیے ہمارے پاس 138 درخواستیں آئی تھیں اور ہم نے میرٹ پر ٹکٹ جاری کیے تھے۔

ملکی معاشی صورتحال اور پٹرول کی قیمتوں پر بات کرتے ہوئے چیئرمین پی ٹی آئی نے کہا کہ تحریک انصاف نے ہمیشہ پٹرول مہنگا کرنے کے خلاف آواز اٹھائی ہے۔ انہوں نے موازنہ کرتے ہوئے کہا کہ جب دنیا میں پٹرول کی قیمتیں صرف 3 فیصد بڑھتی ہیں تو پاکستان میں 20 فیصد بڑھا دی جاتی ہیں، اور عالمی سطح پر 17 فیصد اضافے کے جواب میں پاکستان میں قیمتوں میں 50 فیصد تک اضافہ کر دیا جاتا ہے، جو عوام پر سراسر ظلم ہے۔

سیاسی ڈیڈ لاک اور مذاکرات کے حوالے سے بیرسٹر گوہر نے کہا کہ اپوزیشن الائنس کی جانب سے بات چیت کے تمام اختیارات صرف علامہ راجہ ناصر عباس اور محمود خان اچکزئی کے پاس ہیں۔ انہوں نے کہا کہ اگر حکومت اور اپوزیشن مل بیٹھ کر بات چیت کر لیتے تو ملک کے لیے اچھا ہوتا، لیکن بدقسمتی یہ ہے کہ حکومت کی آفر صرف زبانی پیشکش کی حد تک ہوتی ہے، عملی طور پر کچھ نہیں۔ اب ملک کے مفاد میں سنجیدہ بات چیت ہونی چاہیے۔

لاہور میں غیر ملکی خواتین کے ساتھ پیش آنے والے افسوسناک واقعے پر کھل کر تبصرہ کرنے سے گریز کرتے ہوئے چیئرمین پی ٹی آئی نے صرف اتنا کہا کہ “کبھی کبھی چھوٹوں کی غلطی کی وجہ سے بڑوں کی بدنامی ہو جاتی ہے”۔ انہوں نے زور دیا کہ کسی بھی واقعے سے ملک کی بدنامی نہیں ہونی چاہیے اور اس پورے معاملے کی شفاف اور غیر جانبدارانہ تحقیقات ہونی چاہئیں۔