LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

سہیل آفریدی کی ضم اضلاع میں عوامی خدمات بہتر بنانے کیلئے تین ماہ کی مہلت

Web Desk

6 July 2026

وزیراعلیٰ خیبرپختونخوا محمد سہیل آفریدی نے ضم ہونے والے قبائلی اضلاع میں عوامی خدمات (سروس ڈیلیوری) اور گورننس کو بہتر بنانے کے لیے متعلقہ انتظامیہ کو تین ماہ کی سخت ڈیڈ لائن دے دی ہے۔ انہوں نے واضح کیا کہ اس مقررہ مدت کے دوران عوام کو خدمات کی فراہمی میں واضح اور عملی تبدیلی نظر آنی چاہئے۔

یہ ہدایات انہوں نے ضم اضلاع میں امن و امان، گورننس اور ترقیاتی پروگراموں سے متعلق منعقدہ ایک اعلیٰ سطح کے جائزہ اجلاس کی صدارت کرتے ہوئے جاری کیں۔ اجلاس میں عوامی خدمات کی فراہمی، تعلیم، صحت اور مختلف ترقیاتی منصوبوں پر اب تک ہونے والی پیش رفت کا تفصیلی جائزہ لیا گیا۔

ی وزیراعلیٰ سہیل آفریدی نے حکام کو سخت ہدایت کی کہ شمالی وزیرستان میں ایک ہفتے کے اندر تمام معطل ترقیاتی سرگرمیاں فوری طور پر بحال کی جائیں۔ انہوں نے کہا کہ ان منصوبوں پر کام کی دوبارہ بحالی کے لیے جتنے بھی افسران اور متعلقہ اہلکار درکار ہیں، انہیں ہنگامی بنیادوں پر فوری فراہم کیا جائے۔

اجلاس کے دوران تعلیمی صورتحال پر بات کرتے ہوئے وزیراعلیٰ نے ضم اضلاع میں اسکولوں سے باہر (آؤٹ آف اسکول) بچوں کو دوبارہ تعلیمی دھارے میں لانے کے لیے خصوصی اقدامات اٹھانے کا حکم دیا۔ انہوں نے بتایا کہ رواں مالی سال کے بجٹ میں اس مقصد کے لیے خطیر فنڈز مختص کیے گئے ہیں، لہٰذا اسکولوں میں اساتذہ کی کمی کو بھی ہنگامی بنیادوں پر پورا کیا جائے۔

دوسری جانب، صحت کے شعبے کا جائزہ لیتے ہوئے انہوں نے ہدایت کی کہ ضم اضلاع کے اسپتالوں میں ڈاکٹروں کی کمی کا ازسرنو جائزہ لیا جائے اور مقامی آبادی کی ضرورت کے مطابق مزید ڈاکٹرز بھرتی کیے جائیں تاکہ عوام کو ان کی دہلیز پر بہتر طبی سہولیات میسر ہوں۔

محمد سہیل آفریدی کا کہنا تھا کہ دہشت گردی کے خلاف جنگ میں ضم اضلاع نے فرنٹ لائن کا کردار ادا کیا ہے اور ان کی قربانیاں لازوال ہیں۔ یہی وجہ ہے کہ سکیورٹی کو یقینی بنانے کے لیے فورسز کو جدید اسلحہ اور جدید ترین آلات کی فراہمی میں ان اضلاع کو حکومت کی جانب سے پہلی ترجیح دی جا رہی ہے۔