دورۂ ویسٹ انڈیز اور انگلینڈ کیلئے قومی ٹیسٹ سکواڈ کا اعلان، بابر اعظم کپتان مقرر

پاکستان کرکٹ بورڈ کی سلیکشن کمیٹی نے دورۂ ویسٹ انڈیز اور انگلینڈ کے لیے اسٹار بیٹر بابر اعظم کو دوبارہ پاکستان ٹیسٹ کرکٹ ٹیم کا کپتان مقرر کر دیا ہے۔

لاہور میں ایک اہم پریس کانفرنس کرتے ہوئے سلیکشن کمیٹی کے رکن عاقب جاوید نے دونوں اہم دوروں کے لیے 16 رکنی قومی ٹیسٹ اسکواڈ کا باضابطہ اعلان کیا۔ اس موقع پر سلیکشن کمیٹی کے دیگر ارکان اسد شفیق اور سابق کپتان مصباح الحق بھی ان کے ہمراہ موجود تھے۔

دورۂ ویسٹ انڈیز اور انگلینڈ کے لیے اعلان کردہ 16 رکنی اسکواڈ میں بابر اعظم (کپتان)، شان مسعود، امام الحق، اذان اویس، عبداللہ فضل، سلمان علی آغا، غازی غوری، محمد رضوان، ساجد خان، علی عثمان، عامر جمال، محمد علی، محمد عباس، عبید شاہ، اویس ظفر اور خرم شہزاد شامل ہیں۔ دوسری جانب مڈل آرڈر بیٹر سعود شکیل فٹنس مسائل کے باعث اس بار اسکواڈ میں اپنی جگہ بنانے میں ناکام رہے ہیں۔