LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

5 جولائی کو آئین، پارلیمان اور عوامی مینڈیٹ کو نقصان پہنچایا گیا: شیریں رحمان

Web Desk

5 July 2026

پاکستان پیپلز پارٹی کی نائب صدر سینیٹر شیری رحمان نے 5 جولائی 1977 کے ‘یومِ سیاہ’ کے موقع پر اپنے ایک خصوصی پیغام میں کہا ہے کہ 5 جولائی ملکی تاریخ کا ایسا المناک باب ہے جس نے آئین، پارلیمان اور عوامی مینڈیٹ کو شدید نقصان پہنچایا۔

سینیٹر شیری رحمان نے کہا کہ آج کے دن قائدِ عوام ذوالفقار علی بھٹو کی منتخب جمہوری حکومت کا تختہ الٹ کر عوامی اختیار اور آئینی نظام پر کاری ضرب لگائی گئی۔ انہوں نے واضح کیا کہ شہید ذوالفقار علی بھٹو کے خلاف کیا گیا غیر آئینی اقدام دراصل عوام کے حقِ رائے دہی اور پاکستان کے جمہوری مستقبل پر حملہ تھا۔ تاہم، قائدِ عوام کے جمہوری وژن اور عوامی سیاست کو دبانے کی ہر کوشش ناکام ثابت ہوئی اور ان کے نظریات آج بھی عوام کی رہنمائی کر رہے ہیں۔

انہوں نے شہید محترمہ بینظیر بھٹو کی جدوجہد کو خراجِ تحسین پیش کرتے ہوئے کہا کہ انہوں نے اپنے والد کے مشن کو ہر مشکل حالات میں ثابت قدمی سے آگے بڑھایا، پوری زندگی جدوجہد کی، جیلیں کاٹیں اور ہر آمر کا ڈٹ کر مقابلہ کیا۔ شیری رحمان کا کہنا تھا کہ جمہوریت کی بحالی کے لیے پی پی پی کے کارکنوں نے قید، تشدد اور سختیاں برداشت کیں مگر وہ اپنے نظریے سے پیچھے نہیں ہٹے۔

سینیٹر شیری رحمان نے مزید کہا کہ شہید ذوالفقار علی بھٹو اور جمہوریت کے لیے جانیں قربان کرنے والوں کو خراجِ عقیدت پیش کرنے کا بہترین طریقہ آئین کے احترام کو یقینی بنانا ہے۔ انہوں نے زور دیا کہ قوم کو ماضی کی غیر آئینی مداخلتوں سے سبق سیکھ کر جمہوریت، آئین کی بالادستی اور عوامی فیصلے کا ہر قیمت پر تحفظ کرنا ہوگا۔