LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

ملک چند خاندانوں کا نہیں عوام کا، نظام کی تبدیلی کیلئے کوشاں ہیں : حافظ نعیم الرحمان

Web Desk

4 July 2026

امیر جماعت اسلامی پاکستان حافظ نعیم الرحمان نے کہا ہے کہ یہ ملک چند خاندانوں کی جاگیر نہیں بلکہ عوام کا ہے، اور جماعت اسلامی ملک میں نظام کی حقیقی تبدیلی کے لیے بھرپور جدوجہد کر رہی ہے۔

وفاقی دارالحکومت میں الخدمت فاؤنڈیشن کے تحت منعقدہ “بنو قابل” گریجویشن تقریب سے خطاب کرتے ہوئے حافظ نعیم الرحمان نے تمام کامیاب نوجوانوں کو مبارکباد پیش کی۔ انہوں نے کہا کہ لاکھوں نوجوان اس پروگرام سے فائدہ اٹھا رہے ہیں، پاکستان کے پاس ایک عظیم انسانی سرمایہ موجود ہے اور اب اس ملک کے پیچھے رہ جانے کا کوئی جواز باقی نہیں ہے۔

امیر جماعت اسلامی نے تعلیمی نظام پر تشویش کا اظہار کرتے ہوئے کہا کہ آئین کے مطابق ہر بچے کو مفت اور یکساں معیار کی تعلیم ملنی چاہیے، لیکن پنجاب سمیت ملک بھر میں لاکھوں بچے اسکولوں سے باہر ہیں اور سرکاری تعلیمی نظام کو جان بوجھ کر نظرانداز کیا جا رہا ہے۔ انہوں نے واضح کیا کہ غریب اور امیر کے لیے الگ الگ تعلیمی نظام کسی صورت قابل قبول نہیں، پاکستان کے مفاد پر کبھی سمجھوتہ نہیں کیا جا سکتا اور نوجوان ہی ملک کو ترقی و خوشحالی کی راہ پر گامزن کریں گے۔

حافظ نعیم الرحمان نے آئی ٹی اور مصنوعی ذہانت (AI) کے شعبوں میں حکومتی عدم توجہی پر تنقید کرتے ہوئے کہا کہ اگر حکومت نوجوانوں کو جدید ٹیکنالوجی کی تربیت فراہم کرے تو وہ ملکی معیشت کو مضبوط بنانے اور قرضوں کے بوجھ میں کمی لانے میں اہم کردار ادا کر سکتے ہیں۔ انہوں نے دعویٰ کیا کہ “بنو قابل” پروگرام کے تحت اب تک 16 لاکھ سے زائد نوجوان رجسٹرڈ ہو چکے ہیں اور لاکھوں گریجویٹ بھی ہو چکے ہیں، جبکہ جماعت اسلامی مستقبل میں ایک جدید یونیورسٹی بھی قائم کرے گی۔

حکومت کی معاشی پالیسیوں کو آڑے ہاتھوں لیتے ہوئے انہوں نے کہا کہ مہنگائی اور ٹیکسوں کا سارا بوجھ غریب اور متوسط طبقے پر ڈالا جا رہا ہے جبکہ بعض مخصوص شعبوں کو اربوں روپے کی ادائیگیاں کی جا رہی ہیں۔ انہوں نے اعلان کیا کہ اگر جماعت اسلامی کو اقتدار ملا تو ملک بھر میں سب کے لیے یکساں معیار کی مفت تعلیم فراہم کی جائے گی۔ حافظ نعیم الرحمان نے نوجوانوں پر زور دیا کہ وہ مایوس نہ ہوں، اپنے ملک پر فخر کریں اور پاکستان کی تعمیر و ترقی میں اپنا بھرپور کردار ادا کریں۔