LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

28 ویں ترمیم آناً فاناً نہیں، مشاورت سے آئے گی: اعظم نذیر تارڑ

Web Desk

4 July 2026

وفاقی وزیر برائے قانون و انصاف اعظم نذیر تارڑ نے کہا ہے کہ عدالتی نظام میں شفافیت اور میرٹ کو یقینی بنانے کے لیے پہلی بار ہائی کورٹ کے ججز کی کارکردگی جانچنے کا آئینی نظام لایا جا رہا ہے، جس کے تحت ججز کی تعیناتی کے لیے باقاعدہ انٹرویو لیے جائیں گے اور خراب کارکردگی پر انہیں برطرف کرنے کا ریفرنس جوڈیشل کمیشن کو بھیجا جائے گا۔ انہوں نے واضح کیا کہ ملک میں جب بھی 28 ویں آئینی ترمیم لائی جائے گی، وہ تمام اسٹیک ہولڈرز کی مشاورت سے ائے گی، آناً فاناً نہیں۔

پنجاب بار کونسل کے زیرِ اہتمام ‘لائرز اکیڈمی’ اور واٹر فلٹریشن پلانٹ کی افتتاحی تقریب سے بطور مہمانِ خصوصی خطاب کرتے ہوئے وزیرِ قانون نے بار ووکیشنل کورس کے لیے 20 ملین (دو کروڑ) روپے کی گرانٹ کا اعلان کیا۔ تقریب میں پاکستان بار کونسل کے وائس چیئرمین پیر مسعود چشتی، معروف وکیل رہنما احسن بھون سمیت وکلا کی بڑی تعداد نے شرکت کی۔

اعظم نذیر تارڑ نے ججز کی تعیناتی کے عمل پر گفتگو کرتے ہوئے کہا کہ جب سول جج اور ایڈیشنل سیشن جج کے لیے باقاعدہ امتحان لیا جاتا ہے، تو ہائی کورٹ کے ججز کے لیے انٹرویو کیوں نہ ہوں؟ انہوں نے انکشاف کیا کہ ہائی کورٹ میں ججز کی تعیناتی کے لیے نامزد ناموں کے انٹرویوز کے لیے ایک 7 رکنی کمیٹی تشکیل دے دی گئی ہے۔

ان کا کہنا تھا کہ “ججز ایولیشن کمیٹی” ہر سال کے آخر میں ججز کی کارکردگی اور کیسز کے فیصلوں کا جائزہ لے گی۔ وزیرِ قانون نے ریمارکس دیے کہ ایک ہی احاطے میں دو مختلف عدالتیں الگ فیصلے اور الگ تاریخیں دے رہی ہوتی ہیں، جبکہ سب کو تنخواہ اور مراعات ٹیکس دہندگان کے پیسے سے ایک جیسی ملتی ہیں، تو کام کا معیار بھی ایک جیسا ہونا چاہیے۔ جس جج کی کارکردگی سے جوڈیشل کمیشن مطمئن نہیں ہوگا، اس کے خلاف ریفرنس بھیجا جائے گا اور کمیٹی غیر تسلی بخش کارکردگی پر برطرفی کی سفارش بھی کر سکے گی۔

لیگل ایجوکیشن کے گرتے ہوئے معیار پر تشویش کا اظہار کرتے ہوئے انہوں نے کہا کہ لاء کالجز میں داخلوں کی بھرمار ہو چکی ہے اور ہم نے اس گھر کا دروازہ کھلا چھوڑ دیا تھا، تاہم اب تمام بار ایسوسی ایشنز کو ڈگریاں چیک کرنے اور داخلوں کا سخت طریقہ کار طے کرنے کا کہہ دیا گیا ہے۔ وکلا کی سہولت کے لیے نادرا کے ساتھ بائیو میٹرک سسٹم کے معاملات بھی طے کر لیے گئے ہیں۔

وکلا پر انسدادِ دہشت گردی کی دفعات کے تحت مقدمات کے اندراج پر انہوں نے بتایا کہ پنجاب حکومت سے بات ہو چکی ہے، لیکن ساتھ ہی انہوں نے وکلا پر زور دیا کہ فرد (زمین کا کاغذ) تاخیر سے ملنے پر قانون ہاتھ میں لینا یا توڑ پھوڑ کرنا درست عمل نہیں ہے، ایسے معاملات بار کونسل کے ذریعے حل کیے جائیں۔ انہوں نے پنجاب میں بار کونسلز کو 135 کروڑ روپے کی گرانٹ دینے کا ذکر کیا اور وکلا و ان کی فیملیز کے لیے دل، گردے اور کینسر کے مفت علاج کے لیے ہیلتھ انشورنس پالیسی لانے کا بھی اعلان کیا۔

تقریب سے خطاب کرتے ہوئے انڈیپنڈنٹ گروپ کے سربراہ احسن بھون نے کہا کہ ان کا بنیادی مقصد لائرز کمیونٹی کی فلاح و بہبود اور آئین و قانون کی بالادستی ہے۔ انہوں نے دو ٹوک الفاظ میں کہا کہ عدالتوں کا کام آئین کی تشریح کرنا ہے، آئین بنانا نہیں۔ 28 ویں ترمیم کے حوالے سے ان کا کہنا تھا کہ آئین میں ترمیم کا ایک طریقہ کار موجود ہے، جب حکومت مسودہ شیئر کرے گی تو بار کونسل اس کا جائزہ لے گی۔ انہوں نے واضح کیا کہ بار کے چھت کے نیچے پی پی پی، پی ٹی آئی اور ن لیگ سب موجود ہیں، اور جو بھی سیاسی مفادات کے لیے وکلا برادری کو استعمال کرنے کی کوشش کرے گا، اسے روکا جائے گا۔

پہلے مرحلے میں وائس چیئرمین پاکستان بار کونسل پیر مسعود چشتی نے نئے آنے والے وکلا کو خوش آمدید کہتے ہوئے لائرز اکیڈمی کے قیام کو برادری کے لیے ایک سنگ میل قرار دیا۔