کھلاڑیوں کی ماہانہ تنخواہوں اور میچ فیس کیلیے 1100 ملین روپے مختص
Web Desk
4 July 2026
پاکستان کرکٹ بورڈ (پی سی بی) نے نئے مالی سال کے بجٹ میں کھلاڑیوں کے ماہانہ معاوضوں اور میچ فیس کی مد میں 1100 ملین (1 ارب 10 کروڑ) روپے کی خطیر رقم مختص کر دی ہے۔ رواں برس مجموعی طور پر 45 قومی کرکٹرز کو 5 مختلف کیٹیگریز میں سینٹرل کنٹریکٹ سے نوازا جائے گا، جس کے تحت کھلاڑیوں کی میچ فیسز میں نمایاں اضافہ کیا گیا ہے۔
نئی درجہ بندی کے تحت ٹیسٹ اور ون ڈے کی مشترکہ ‘کیٹیگری اے بی’ کے کھلاڑیوں کو ٹیسٹ میچ فیس 15 لاکھ، ون ڈے ساڑھے 7 لاکھ اور ٹی ٹوئنٹی کے 5 لاکھ روپے ملیں گے۔ صرف ٹیسٹ فارمیٹ کی ‘کیٹیگری اے’ کے لیے ٹیسٹ فیس 15 لاکھ، ون ڈے ساڑھے 6 لاکھ اور ٹی ٹوئنٹی ساڑھے 4 لاکھ روپے ہوگی۔ ون ڈے اور ٹی ٹوئنٹی کی ‘کیٹیگری بی سی’ کے لیے ٹیسٹ فیس 9 لاکھ، ون ڈے ساڑھے 7 لاکھ اور ٹی ٹوئنٹی کے 5 لاکھ روپے مقرر کیے گئے ہیں۔ جبکہ صرف ٹی ٹوئنٹی کی ‘کیٹیگری سی’ کے لیے ٹیسٹ فیس 7 لاکھ اور وائٹ بال فارمیٹس کی فیس 5، 5 لاکھ روپے ہوگی۔
ڈومیسٹک اور ویمن کرکٹ کے لیے تاریخی مراعات: مردوں کے ڈومیسٹک سنٹرل کنٹریکٹ میں 4 کیٹیگریز کے تحت 175 کھلاڑیوں سے معاہدے ہوں گے جن کا ماہانہ معاوضہ 1 لاکھ 40 ہزار سے ساڑھے 3 لاکھ روپے تک ہوگا۔ تاہم قائد اعظم ٹرافی کی میچ فیس 30 ہزار سے بڑھا کر 1 لاکھ روپے اور ریزرو کھلاڑیوں کا معاوضہ 15 ہزار سے بڑھا کر 50 ہزار روپے فی میچ کر دیا گیا ہے۔
خواتین کرکٹرز کے لیے بھی بجٹ میں خوشخبری سنائی گئی ہے، جہاں سینٹرل کنٹریکٹ کی پہلی چار کیٹیگریز میں 33 فیصد اور آخری کیٹیگری میں 50 فیصد تک اضافہ کیا گیا ہے۔ اب ویمن ‘کیٹیگری اے’ کا معاوضہ ساڑھے 4 لاکھ سے بڑھ کر 6 لاکھ روپے اور ‘کیٹیگری ای’ کا معاوضہ 1 لاکھ سے بڑھ کر ڈیڑھ لاکھ روپے ہو گیا ہے۔ علاوہ ازیں، ویمن سینئر اور انڈر 19 کھلاڑیوں کی میچ فیس میں بھی اضافہ کیا گیا ہے، جبکہ ویمن ڈومیسٹک کرکٹ میں “سپر تھری ون ڈے” اور “سپر تھری ٹی ٹوئنٹی” کے نام سے دو نئے ٹورنامنٹس کرانے کا بھی اعلان کیا گیا ہے
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026