LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

سینیٹر فیصل واوڈا کا نائب وزیراعظم اسحاق ڈار کے استعفے کا مطالبہ

Web Desk

4 July 2026

سینیٹر فیصل واوڈا نے نائب وزیر اعظم اور وزیر خارجہ اسحاق ڈار کے استعفے کا مطالبہ کرتے ہوئے حکومت اور سیاسی اشرافیہ پر سنگین الزامات عائد کر دیے ہیں۔

سینیٹر فیصل واوڈا نے اپنی سوشل میڈیا پوسٹ پر سخت ردعمل دیتے ہوئے کہا کہ اسحاق ڈار نائب وزیر اعظم اور اوپر سے ماشاء اللہ وزیر خارجہ بھی ہیں، پاکستان کو کسی ملک کے بجائے ایک ‘فیملی کارپوریشن’ کی طرح چلایا جا رہا ہے۔ انہوں نے دعویٰ کیا کہ اسحاق ڈار کے ایک مبینہ قریبی رشتے دار پر غیر ملکی خواتین کو پاکستان بلا کر ان کے ساتھ مبینہ زیادتی، تشدد اور بھتہ خوری کے الزامات سامنے آئے ہیں، جس کے بعد غالباً متعلقہ غیر ملکی سفارتخانے کی مداخلت پر ہی ان کی گرفتاری عمل میں لائی گئی۔

فیصل واوڈا نے حکومت پر مبینہ واقعے پر پردہ ڈالنے کا الزام لگاتے ہوئے کہا کہ حکومت اس پورے معاملے کو دبانے کے لیے بھرپور کوششیں کر رہی ہے۔ انہوں نے دعویٰ کیا کہ کیس کی نوعیت کو بدلنے اور اسے ریپ (زیادتی) کے بجائے صرف بھتہ خوری تک محدود کرنے کی مبینہ کوشش کی جا رہی ہے، یہی وجہ ہے کہ اس واقعے میں دفعہ 164 کا جو بیان اب تک سامنے آ جانا چاہیے تھا، اسے منظرِ عام پر نہیں لایا گیا۔

سیاسی نظام پر کڑی تنقید کرتے ہوئے سینیٹر فیصل واوڈا نے مزید کہا کہ جمہوریت کے نام پر ایلیٹ کلاس (اشرافیہ) نے ملک پر قبضہ کر رکھا ہے۔ کچھ ‘جمہوری جنازے’ کئی سالوں سے ملک کو لوٹ رہے تھے اور اب عزتیں بھی لوٹی جا رہی ہیں، اور افسوس کی بات یہ ہے کہ ان جمہوری جنازوں کی اولاد کے ہاتھوں میں پاکستانیوں کی قسمت کے فیصلے دے دیے گئے ہیں۔

ان کا مزید کہنا تھا کہ قوم اس منافقت کو دیکھے کہ کسی بھی سیاسی جماعت یا اس کے لیڈر نے—خواہ ان کا تعلق اپوزیشن سے ہو، حکومت سے ہو یا وہ اتحادی ہوں—اس واقعے پر ایک بھی مذمتی بیان جاری نہیں کیا، اور خواتین کے حقوق کے نام نہاد چیمپئنز بھی اس معاملے پر مکمل خاموش ہیں۔