سرگودھا سے اغوا ہونے والا ایک سال کا بچہ اسلام آباد سے بازیاب
Web Desk
3 July 2026
وفاقی دارالحکومت کی پولیس نے بروقت اور مؤثر کارروائی کرتے ہوئے پنجاب کے ضلع سرگودھا سے اغوا ہونے والے ایک سالہ معصوم بچے کو بحفاظت بازیاب کروا لیا ہے۔
ترجمان اسلام آباد پولیس کے مطابق، سرگودھا کے علاقے بھاگٹا نوالا سے بچے کے اغوا کی اطلاع ملنے پر ایس پی ہیڈکوارٹرز و انڈسٹریل ایریا زون پری گل ترین کی خصوصی ہدایت پر ایک ہنگامی ایکشن پلان تیار کیا گیا۔ جس کے تحت ایس ایچ او تھانہ انڈسٹریل ایریا کی نگرانی میں خصوصی پولیس ٹیمیں تشکیل دی گئیں۔
پولیس کی ان خصوصی ٹیموں نے روایتی تفتیش کے ساتھ ساتھ جدید ٹیکنالوجی، سیف سٹی کے جدید کیمروں کے نیٹ ورک اور انسانی ذرائع (مخبروں) کی مدد سے ملزمان کا سراغ لگایا۔ پولیس ٹیم نے فیض آباد کے علاقے میں ایک کامیاب اور مؤثر آپریشن کرتے ہوئے مغوی بچے کو بحفاظت بازیاب کر لیا۔
ایس پی پری گل ترین کا اس کامیاب آپریشن کے حوالے سے مزید کہنا تھا کہ پولیس ٹیموں نے کمسن بچے کو کسی بھی قسم کا نقصان پہنچنے سے پہلے ہی بحفاظت بازیاب کرایا، جس کے بعد قانونی ضابطے پورے کرتے ہوئے بچے کو پنجاب پولیس کے حکام کے حوالے کر دیا گیا ہے تاکہ اسے بحفاظت والدین تک پہنچایا جا سکے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026