دکی میں منگنی سے واپس آنے والی وین کھائی میں گر گئی، ایک شخص جاں بحق، 18 زخمی
Web Desk
3 July 2026
بلوچستان کے علاقے دکی میں ایک افسوسناک ٹریفک حادثے میں منگنی کی تقریب سے واپس آنے والی مسافر وین کھائی میں گرنے کے نتیجے میں ایک شخص جاں بحق اور بچوں سمیت 18 افراد زخمی ہو گئے۔
عینی شاہدین کے مطابق، خوشی کی تقریب سے واپس آنے والے مہمانوں کی وین ‘مندے ٹک’ کے مقام پر پہنچی تو اچانک گاڑی کے بریک فیل ہو گئے، جس کے باعث بے قابو ہو کر وین گہری کھائی میں جا گری۔ حادثہ اتنا شدید تھا کہ ایک شخص موقع پر ہی دم توڑ گیا جبکہ دیگر 18 مسافر شدید زخمی ہو گئے۔
مقامی انتظامیہ کے مطابق، حادثے کی اطلاع ملتے ہی امدادی ٹیموں نے موقع پر پہنچ کر تمام زخمیوں کو فوری طور پر ڈسٹرکٹ ہیڈ کوارٹر (ڈی ایچ کیو) ہسپتال دکی منتقل کیا۔ ہسپتال انتظامیہ کا کہنا ہے کہ زخمیوں میں معصوم بچے بھی شامل ہیں، جن میں سے 3 زخمیوں کی حالت تشویشناک ہونے کے باعث انہیں ابتدائی طبی امداد کے بعد مزید علاج کے لیے لورالائی ریفر کر دیا گیا ہے۔
لیویز اور ضلعی حکام نے بتایا کہ حادثے میں جاں بحق ہونے والے شخص کی شناخت پائند خان ولد گلزار خان کے نام سے ہوئی ہے۔ انتظامیہ کے مطابق، حادثے کا شکار ہونے والے جاں بحق اور تمام زخمی افراد کا تعلق ایک ہی خاندان یعنی ڈاکٹر جوہر خان شادوزئی کے خاندان سے ہے۔ اس المناک حادثے کے بعد علاقے میں کہرام مچ گیا اور خوشی کی تقریب ماتم میں تبدیل ہو گئی
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026