راولپنڈی، اٹک کی انتظامیہ میں بڑی تبدیلیاں، اعلیٰ افسران عہدوں سے ہٹا دیے گئے

پنجاب کے اضلاع راولپنڈی اور اٹک میں اعلیٰ سطح پر بڑی انتظامی تبدیلیاں کی گئی ہیں، جس کے تحت متعدد سینئر اور اہم ترین افسران کو ان کے عہدوں سے ہٹا دیا گیا ہے۔

ذرائع کے مطابق، سٹی پولیس آفیسر (سی پی او) راولپنڈی سید خالد محمود ہمدانی کو ان کے عہدے سے ہٹا دیا گیا ہے اور انہیں پنجاب سی پی او آفس (سینٹرل پولیس آفس) رپورٹ کرنے کی ہدایت جاری کی گئی ہے۔

پولیس قیادت کے ساتھ ساتھ سول انتظامیہ میں بھی بڑا ردوبدل سامنے آیا ہے، جہاں کمشنر راولپنڈی ڈویژن عبدالعامر خٹک کو بھی ان کے عہدے سے فارغ کر دیا گیا ہے۔ ذرائع کا کہنا ہے کہ ڈپٹی کمشنر (ڈی سی) راولپنڈی سمیت ضلع کے دیگر اہم انتظامی افسران کے بھی تبادلے کر دیے گئے ہیں۔

ان بڑے پیمانے پر ہونے والے تبادلوں اور تقرریوں کے بعد راولپنڈی اور اٹک کے مجموعی انتظامی ڈھانچے میں ایک بڑی تبدیلی سامنے آئی ہے۔