LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

بانی پی ٹی آئی کے حقوق کی بحالی ہماری ترجیح ہے، ملاقاتیں کرانا کوئی احسان نہیں: علیمہ خان

Web Desk

3 July 2026

بانی پی ٹی آئی کی ہمشیرہ علیمہ خان نے انسداد دہشت گردی عدالت (اے ٹی سی) راولپنڈی کے باہر میڈیا سے گفتگو کرتے ہوئے کہا ہے کہ ہماری جدوجہد ذاتی ملاقاتوں کے لیے نہیں بلکہ بانی پی ٹی آئی کے بنیادی اور آئینی حقوق کی بحالی، ان کی صحت اور علاج کے لیے ہے۔ بانی پی ٹی آئی کے بنیادی حقوق کی شدید خلاف ورزی کی جا رہی ہے۔ عدالت کی جانب سے ہفتہ وار 18 افراد کی ملاقات کا حکم موجود ہے، لیکن اس پر عملدرآمد نہیں کیا جا رہا۔

علیمہ خان نے واضح کیا کہ بانی پی ٹی آئی سے ملاقاتیں کرانا کوئی احسان نہیں بلکہ یہ ان کا قانونی اور آئینی حق ہے۔ ایک ملاقات کروا کر پھر مہینوں کے لیے پابندی لگا دینا کسی صورت قابل قبول نہیں۔ انہوں نے عوام اور پارٹی پر زور دیا کہ وہ بانی کے حقوق کی بحالی کے لیے آواز بلند کریں کیونکہ جب دباؤ بڑھے گا تو عدالتیں بھی کیسز کی جلد سماعت کریں گی۔ بانی کے خلاف تمام مقدمات بے بنیاد ہیں اور انصاف ملنے کی صورت میں ان کی رہائی یقینی ہے۔

پارٹی کے اندرونی معاملات اور ہدایات پر بات کرتے ہوئے علیمہ خان نے کہا کہ بانی پی ٹی آئی ضروری ہدایات پہلے ہی دے چکے ہیں، اب مزید احکامات کی ضرورت نہیں۔ انہوں نے بتایا کہ جنید اکبر کو تحریک اور تنظیم سازی سے متعلق پیغامات پہلے ہی دیے جا چکے تھے، جس میں بانی نے انہیں پی اے سی (PAC) سے مستعفی ہو کر خیبر پختونخوا میں تنظیم سازی کرنے اور اس کے بعد تحریک چلانے کی ہدایت کی تھی، اور جنید اکبر ایک سال سے اسی کام میں مصروف ہیں۔

علیمہ خان نے پی ٹی آئی قیادت کو مخاطب کرتے ہوئے کہا کہ انہوں نے بیرسٹر گوہر سے واضح کہہ دیا ہے کہ ملاقاتیں کرا کے ہماری تسلی کرانا ضروری نہیں بلکہ بانی کا علاج ضروری ہے، انہوں نے مزید کہا کہ “مجھے لگتا ہے بیرسٹر گوہر صاحب کو کوئی کنفیوژن ہے”۔ ان کا کہنا تھا کہ مخالفین نے بانی کے حقوق کے اصل بیانیے کو ہٹا کر معاملے کو صرف ہماری ملاقاتوں تک محدود کر دیا ہے۔

اپنے کیس کے حوالے سے بات کرتے ہوئے علیمہ خان نے کہا کہ اے ٹی سی میں ان کا کیس ختم ہو چکا ہے اور اب انہیں سزا ہونی ہے، تاہم اگر وہ جیل گئیں تو ان کے پیچھے ان کی بہنیں موجود ہیں۔ آزاد کشمیر الیکشن کے حوالے سے ایک سوال پر انہوں نے کہا کہ الیکشن کا بائیکاٹ کس بنیاد پر کیا گیا، اس کی کوئی نہ کوئی وجہ ضرور ہوگی۔ انہوں نے عزم ظاہر کیا کہ ظلم کا یہ نظام زیادہ دیر نہیں چل سکتا۔