پی سی بی کی جانب سے 14 کرکٹرز کو بیرونِ ملک لیگز کیلئے این او سی جاری

پاکستان کرکٹ بورڈ (پی سی بی) نے قومی کرکٹرز کو بیرون ملک مختلف ٹی ٹوئنٹی لیگز کھیلنے کے لیے این او سی (نو آبجیکشن سرٹیفکیٹ) جاری کر دیے ہیں۔

پی سی بی حکام کے مطابق، مجموعی طور پر 14 کھلاڑیوں کو غیر ملکی لیگز کا حصہ بننے کی اجازت دی گئی ہے۔ بورڈ کی جانب سے گلوبل سپر لیگ 2026ء کے لیے 13 کرکٹرز کو این او سی جاری کیا گیا ہے، جبکہ ایک کھلاڑی کو کیریبین پریمیئر لیگ (CPL) کھیلنے کی منظوری دی گئی ہے۔

کرکٹ بورڈ کی جانب سے گلوبل سپر لیگ کے لیے جن 13 کھلاڑیوں کو این او سی جاری کیا گیا ہے، ان میں درج ذیل نام شامل ہیں: محمد حارث، شہاب خان، محمد نعیم، عبداللہ شفیق، شامل حسین، فرحان یوسف، مہران ممتاز، عثمان خان، علی شبیر، محمد فاروق، محمد عمران، محمد باسط اور خلیل احمد۔

ان کے علاوہ، پاکستان کے نوجوان کرکٹر معاذ صداقت کو پی سی بی نے ویسٹ انڈیز میں ہونے والی معروف کیریبین پریمیئر لیگ (CPL) میں شرکت کے لیے خصوصی طور پر این او سی جاری کیا ہے۔ بورڈ کی جانب سے گرین سگنل ملنے کے بعد تمام کھلاڑی جلد ہی متعلقہ لیگز میں اپنی اپنی ٹیموں کو جوائن کریں گے۔