LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

سکھر حیدرآباد موٹروے 5 سیکشنز میں تقسیم، عالمی بینکوں کے تعاون سے ستمبر میں معاہدے کا امکان، بلوچستان کے لیے 115 ارب روپے مختص

Web Desk

3 July 2026

قومی اسمبلی کی قائمہ کمیٹی برائے مواصلات کا اہم اجلاس منعقد ہوا، جس میں وزارتِ مواصلات کے حکام کی جانب سے ملک میں جاری ترقیاتی منصوبوں اور بالخصوص

قومی اسمبلی کی قائمہ کمیٹی برائے مواصلات کا اہم اجلاس منعقد ہوا، جس میں وزارتِ مواصلات کے حکام کی جانب سے ملک میں جاری ترقیاتی منصوبوں اور بالخصوص سکھر حیدرآباد موٹروے منصوبے پر تفصیلی بریفنگ دی گئی۔

وزارتِ مواصلات کے حکام نے کمیٹی کو بتایا کہ رواں سال کے پبلک سیکٹر ڈویلپمنٹ پروگرام (PSDP) میں بلوچستان کے مواصلاتی منصوبوں کے لیے 115 ارب روپے کی بھاری رقم مختص کی گئی ہے تاکہ صوبے میں سڑکوں کے نیٹ ورک کو بہتر بنایا جا سکے۔

حکام نے بریفنگ کے دوران بتایا کہ سکھر حیدرآباد موٹروے منصوبے کو تیز رفتار اور شفاف تعمیر کے لیے 5 مختلف سیکشنز میں تقسیم کیا گیا ہے۔ سیکشن 1 حیدرآباد سے ٹنڈو آدم تک، جس کی کل لمبائی 57 کلومیٹر ہوگی، سیکشن 2  ٹنڈو آدم سے نوابشاہ تک، جو 63.5 کلومیٹر طویل ہوگا، سیکشن 3  نوابشاہ سے نوشہرو فیروز تک، جس کی لمبائی 64.5 کلومیٹر ہے، سیکشن 4  نوشہرو فیروز سے رانی پور تک، جو 60.9 کلومیٹر پر مشتمل ہوگا اور سیکشن 5 رانی پور سے سکھر تک، جس کی کل لمبائی 59.6 کلومیٹر ہوگی۔

وزارتِ مواصلات کے مطابق، ان مختلف سیکشنز کے لیے عالمی مالیاتی اداروں سے فنڈنگ حاصل کی جا رہی ہے۔ سیکشن ایک اور دو کی تعمیر پبلک پرائیویٹ پارٹنرشپ (PPP) کے تحت ایشیائی ترقیاتی بینک (ADB) کے تعاون سے کی جائے گی۔ سیکشن تھری کے لیے ‘اوپیک’ (OPEC) فنڈ فراہم کرے گا، جبکہ سیکشن چار اور پانچ کی تعمیر کے لیے اسلامک ڈویلپمنٹ بینک (IDB) فنڈنگ کر رہا ہے۔ حکام نے امید ظاہر کی ہے کہ منصوبے کی تعمیراتی کارروائی کو جلد از جلد شروع کرنے کے لیے رواں سال ستمبر تک باقاعدہ کنٹریکٹ (معاہدہ) سائن کر لیا جائے گا۔