ڈسکہ: تیز رفتار ٹریکٹر ٹرالی نے میاں بیوی اور بیٹی کو کچل دیا، خاتون جاں بحق

جیسروالا کے قریب ایک افسوسناک ٹریفک حادثے میں تیز رفتار ٹریکٹر ٹرالی نے موٹر سائیکل سوار میاں بیوی اور ان کی کمسن بیٹی کو کچل دیا، جس کے نتیجے میں خاتون موقع پر ہی جاں بحق جبکہ باپ بیٹی شدید زخمی ہو گئے۔

ریسکیو ذرائع کے مطابق، متاثرہ شہری شاہد اپنی اہلیہ ساجدہ اور 5 سالہ بیٹی عشا نور کے ہمراہ موٹر سائیکل پر جا رہا تھا  یو ٹرن پر پیچھے سے آنے والی تیز رفتار ٹریکٹر ٹرالی نے انہیں کچل دیا۔

حادثہ  میں  شاہد کی بیوی ساجدہ زخموں کی تاب نہ لاتے ہوئے موقع پر ہی دم توڑ گئیں، جبکہ شاہد اور  عشا نور شدید زخمی ہو گئے۔ واقعے کی اطلاع ملتے ہی ریسکیو 1122 کی ٹیم نے موقع پر پہنچ کر لاش اور زخمیوں کو فوری طور پر سول ہسپتال منتقل کر دیا، جہاں زخمیوں کو طبی امداد فراہم کی جا رہی ہے۔