وزیراعلیٰ خیبر پختونخوا نے جیلوں کے نظام میں بہترین اصلاحات ناگزیر قرار دیدیں

وزیراعلیٰ خیبرپختونخوا سہیل آفریدی نے کہا ہے کہ جیلوں کے روایتی نظام میں بہترین اور جدید اصلاحات وقت کی اہم ضرورت ہیں اور صوبائی حکومت اس مقصد کے لیے خیبرپختونخوا کی جیلوں میں جامع اصلاحات نافذ کر رہی ہے۔

جیل اصلاحات کے حوالے سے منعقدہ قومی کانفرنس سے خطاب کرتے ہوئے وزیراعلیٰ خیبرپختونخوا کا کہنا تھا کہ ہم نے صوبے بھر میں جیلوں کے سکیورٹی نظام کو پہلے سے کہیں زیادہ مضبوط اور بہتر بنایا ہے، جبکہ قیدیوں کو انسانی ہمدردی کی بنیاد پر علاج معالجے کی بہترین اور معیاری سہولیات بھی فراہم کی جا رہی ہیں۔

سہیل آفریدی نے مزید زور دیتے ہوئے کہا کہ صوبائی حکومت خیبرپختونخوا میں پائیدار امن و امان کے قیام اور شہریوں کے تحفظ کے لیے ہر ممکنہ اقدامات اٹھا رہی ہے، اور جیل اصلاحات بھی اسی سلسلے کی ایک کڑی ہیں۔