اسلام آباد: تھانہ شالیمار کے علاقے ایف 10 میں نوجوان نے خودکشی کر لی

وفاقی دارالحکومت کے تھانہ شالیمار کی حدود سیکٹر ایف 10 میں ایک نوجوان نے گاڑی کے اندر گولی مار کر خودکشی کر لی۔

پولیس حکام کے مطابق متوفی نوجوان کی شناخت صفی اللہ کے نام سے ہوئی ہے اور اس کا تعلق صوبہ سندھ سے تھا۔ واقعے کی اطلاع ملتے ہی پولیس نے موقع پر پہنچ کر لاش کو ہسپتال منتقل کر دیا۔

پولیس نے مزید بتایا کہ جائے وقوعہ سے نوجوان کی گاڑی کو تحویل میں لے لیا گیا ہے، جبکہ گاڑی سے اسلحہ لائسنس، موبائل فون اور دیگر اہم دستاویزات بھی برآمد ہوئی ہیں۔ پولیس نے واقعے کی مختلف پہلوؤں سے تحقیقات کا آغاز کر دیا ہے تاکہ خودکشی کی اصل وجوہات کا تعین کیا جا سکے۔