LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

روزگار کے پائلٹ منصوبے ’’آئی ورک فار سندھ‘‘ کو باقاعدہ سرکاری پروگرام بنانے کا فیصلہ

Web Desk

2 July 2026

حکومتِ سندھ نے صوبے کے نوجوانوں کو روزگار کی فراہمی کے کامیاب پائلٹ منصوبے ’’آئی ورک فار سندھ‘‘ (I Work for Sindh) کو باقاعدہ مستقل سرکاری پروگرام بنانے کا ایک بڑا فیصلہ کیا ہے۔

اس سلسلے میں سینئر صوبائی وزیر شرجیل انعام میمن کی زیرِ صدارت محکمہ اطلاعات کا ایک اہم اجلاس منعقد ہوا، جس میں ’’آئی ورک فار سندھ‘‘ پورٹل کو مزید مؤثر، مربوط اور جدید انداز میں چلانے کے لیے ایک جامع حکمتِ عملی پر اتفاق کیا گیا۔ اجلاس میں اس ڈیجیٹل پلیٹ فارم کے ذریعے نوجوانوں تک سرکاری اور نجی شعبوں میں روزگار کے مواقع کو زیادہ مؤثر طریقے سے پہنچانے کے امور پر تفصیلی تبادلہ خیال کیا گیا۔

سینئر وزیر سندھ شرجیل میمن نے کارکردگی کی تفصیلات بتاتے ہوئے کہا کہ ’’آئی ورک فار سندھ‘‘ روزگار فراہم کرنے والے اداروں اور نوکریوں کے خواہشمند نوجوانوں کے لیے ایک انتہائی مؤثر ڈیجیٹل پلیٹ فارم بن چکا ہے، جس پر اب تک 48 لاکھ سے زائد افراد وزٹ کر چکے ہیں۔ انہوں نے اعداد و شمار کا حوالہ دیتے ہوئے بتایا کہ اب تک 1 لاکھ 13 ہزار امیدوار پورٹل پر اپنی رجسٹریشن کرا چکے ہیں جبکہ 670 کمپنیاں اس پلیٹ فارم پر رجسٹرڈ ہیں۔ اس وقت پورٹل پر 11 ہزار 100 ملازمتیں فعال (ایکٹو) ہیں، جبکہ مجموعی طور پر اب تک 20 ہزار 800 ملازمتیں پوسٹ کی جا چکی ہیں۔ نوجوانوں کی دلچسپی کا یہ عالم ہے کہ اب تک اس پورٹل کے ذریعے 4 لاکھ 19 ہزار سے زائد ملازمت کی درخواستیں جمع کرائی جا چکی ہیں۔

شرجیل انعام میمن نے مزید اعلان کیا کہ حکومتِ سندھ جلد ہی اس پورٹل پر صنعتی ماہرین کی جانب سے کیریئر کونسلنگ (رہنمائی) کی سہولت بھی متعارف کرانے جا رہی ہے۔ اس لائیو کیریئر کونسلنگ کی سہولت کے ذریعے سندھ کے نوجوانوں کو مستقبل کے حوالے سے براہِ راست اور پیشہ ورانہ رہنمائی حاصل ہو سکے گی، جس سے انہیں مارکیٹ کی طلب کے مطابق روزگار تلاش کرنے میں آسانی ہو گی۔