سکھر میں ٹرین کی کار کو ٹکر، سابق ڈی ایس پی بھائی سمیت جاں بحق

سکھر میں ایک ہولناک اور افسوسناک ٹریفک حادثہ پیش آیا ہے جہاں ایک کھلے ریلوے پھاٹک کو عبور کرتے ہوئے کار کو تیز رفتار ہوجمالو ٹرین نے زوردار ٹکر مار دی، جس کے نتیجے میں دو افراد جاں بحق ہو گئے۔

پولیس حکام کے مطابق، ریلوے پھاٹک کھلا ہونے کے باعث کار جیسے ہی پٹری پر پہنچی تو سامنے سے آنے والی ہوجمالو ٹرین نے اسے اپنی زد میں لے لیا۔ ٹرین کی شدید اور ہولناک ٹکر سے کار مکمل طور پر تباہ ہو گئی، جبکہ گاڑی میں سوار سندھ پولیس کے ریٹائرڈ ڈی ایس پی دریا خان جتوئی اور ان کے بھائی عارب جتوئی شدید زخمی ہوگئے۔

ریسکیو ذرائع کا کہنا ہے کہ حادثے کے فوراً بعد دونوں بھائیوں کو تشویشناک حالت میں قریبی اسپتال منتقل کیا گیا، تاہم وہ زخموں کی تاب نہ لاتے ہوئے راستے میں ہی دم توڑ گئے۔ پولیس نے ریلوے اور مقامی انتظامیہ کی غفلت سمیت واقعے کے تمام پہلوؤں کا جائزہ لیتے ہوئے حادثے کی باقاعدہ تحقیقات شروع کر دی ہیں۔

سکھر میں ٹرین کی کار کو ٹکر، سابق ڈی ایس پی بھائی سمیت جاں بحق

Web Desk

متعلقہ عنوانات

پی ایس 30 خیرپور پر ضمنی انتخاب 16 اگست کو ہوگا، شیڈول جاری

گوجرانوالہ میں 4 سالہ بچی کو گھر والوں نے جادو کے چکر میں زندہ جلاکر مار ڈالا

ایئر چیف کا دورۂ بیلاروس، پاکستان دفاعی تعاون کے نئے مرحلے میں داخل

2027 سارک گیمز کی تیاریوں کے لئے سیکرٹریٹ قائم کرنے کا فیصلہ

سٹیٹ بینک کے زرمبادلہ ذخائر میں61 کروڑ 10 لاکھ ڈالر کا اضافہ

ای سی سی نے پاسکو کی مرحلہ وار بندش سے متعلق اہم فیصلوں کی منظوری دے دی

مون سون بارشوں کے پیش نظر سکولوں کے لیے حفاظتی ہدایات جاری