لاہور میں غیر ملکی شہری 3 کلو سے زائد چرس سمیت گرفتار

گوالمنڈی پولیس نے ایک کامیاب انٹیلیجنس بیسڈ کارروائی کے دوران ایک غیر ملکی شہری کو 3 کلو سے زائد چرس سمیت گرفتار کر لیا ہے۔

پولیس کے مطابق دورانِ ناکہ بندی ایک مشکوک شخص کو روکا گیا جو کہ غیر ملکی شہری نکلا۔ جامہ تلاشی لینے پر ملزم کے قبضے سے ہزاروں روپے مالیت کی 3 کلو سے زائد چرس برآمد ہوئی۔

ایس ایچ او گوالمنڈی نے اپنی ٹیم کے ہمراہ فوری کارروائی کرتے ہوئے ملزم کو حراست میں لیا۔ پولیس کا کہنا ہے کہ ملزم گرفتاری سے بچنے کے لیے منشیات کو پلاسٹک کے شاپر میں چھپا کر پیدل سپلائی کرنے کا طریقہ کار اپنائے ہوئے تھا۔ پولیس نے ملزم کے خلاف منشیات ایکٹ کے تحت مقدمہ درج کر کے مزید تحقیقات کا آغاز کر دیا ہے تاکہ نیٹ ورک کے دیگر کارندوں کا سراغ لگایا جا سکے۔