پریا کماری کیس میں بڑی پیش رفت؛ منارٹی پارلیمانی کاکس کا تمام وفاقی اداروں پر مشتمل نئی جے آئی ٹی بنانے کا حکم

منارٹی پارلیمانی کاکس نے ایک بڑا حکم جاری کرتے ہوئے اغوا کاروں کی تحویل میں موجود کمسن بچی پریا کماری کے کیس پر ازسرنو مشترکہ تحقیقاتی ٹیم (JIT) تشکیل دینے کی ہدایت کی ہے۔ کاکس کے رکن سینیٹر دنیش کمار کے مطابق، محکمہ داخلہ کو حکم دیا گیا ہے کہ وہ اس نئی جے آئی ٹی کا نوٹیفکیشن فوری طور پر جاری کرے، جس میں تمام وفاقی اعلیٰ تحقیقاتی اداروں کے حکام کو بھی لازمی شامل کیا جائے۔ پارلیمانی کاکس نے یہ شرط بھی عائد کی ہے کہ پریا کماری کیس کی تحقیقات میں ہونے والی پیش رفت سے متعلق ہر ماہ باقاعدگی سے کاکس کو تفصیلی رپورٹ جمع کرائی جائے تاکہ اس ہائی پروفائل کیس کی شفاف اور تیز رفتار نگرانی کو یقینی بنایا جا سکے۔