سپورٹس بورڈ پنجاب کا سی ایم پنجاب چیمپئن لیگ کرانے کا اعلان
Web Desk
2 July 2026
سپورٹس بورڈ پنجاب (SBP) نے ملک میں کرکٹ کے ٹیلنٹ کو فروغ دینے اور نوجوانوں کو بہترین پلیٹ فارم مہیا کرنے کے لیے ‘سی ایم پنجاب چیمپئن لیگ’ کرانے کا باضابطہ اعلان کر دیا ہے۔ اس باوقار کرکٹ لیگ میں پاکستان کے نامور انٹرنیشنل اور نیشنل کرکٹرز شرکت کریں گے۔
ڈی جی سپورٹس پنجاب محمد طارق قریشی کی زیرِ صدارت سی ایم پنجاب چیمپئن لیگ کے انتظامات اور حکمتِ عملی کے حوالے سے ایک اہم اجلاس منعقد ہوا۔ اجلاس کے دوران ڈی جی سپورٹس پنجاب نے تفصیلات بتاتے ہوئے کہا کہ یہ میگا لیگ پاکستان کرکٹ بورڈ (PCB) کے باہمی تعاون، جبکہ پاکستان ریلوے اور ایف بی آر (FBR) کے اشتراک سے کرائی جا رہی ہے۔ لیگ کا انعقاد رواں ماہ جولائی کے وسط میں کیا جائے گا۔
محمد طارق قریشی کا مزید کہنا تھا کہ سی ایم پنجاب چیمپئن لیگ میں پنجاب کے تمام ڈویژنز سے تعلق رکھنے والے گرلز اور بوائز کھلاڑیوں کو اپنی صلاحیتیں دکھانے کا بھرپور موقع ملے گا۔ اس ٹورنامنٹ میں مجموعی طور پر 16 ٹیمیں ٹرافی کے لیے نبرد آزما ہوں گی، جن میں 12 میل (مردوں کی) اور 4 فی میل (خواتین کی) ٹیمیں شامل کی گئی ہیں۔ لیگ کا فائنل معرکہ کرکٹ کے تاریخی مرکز قذافی سٹیڈیم لاہور میں کھیلا جائے گا۔
اس اہم مشاورتی اجلاس میں بہزاد انور (کمشنر ان لینڈ ریونیو)، احمدان نذیر (وائس پریزیڈنٹ پاکستان ریلوے سپورٹس بورڈ) اور دیگر اعلیٰ حکام نے بھی شرکت کی اور لیگ کو کامیاب بنانے کے لیے مختلف تجاویز پر غور کیا۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026