LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

راولپنڈی میں قیدی وین سے فرار ہونے والے 3 خطرناک ملزمان گرفتار

Web Desk

1 July 2026

راولپنڈی میں پولیس کی تحویل سے فرار ہونے والے حوالاتیوں میں سے مزید تین خطرناک ملزمان کو پولیس نے دوبارہ گرفتار کر لیا ہے۔ سی پی او راولپنڈی نے دیگر مفرور ملزمان کی جلد گرفتاری کے لیے تمام ممکنہ وسائل استعمال کرنے کی ہدایت کرتے ہوئے واضح کیا ہے کہ انکوائری رپورٹ آنے پر غفلت کے ذمہ داران کے خلاف سخت قانونی کارروائی کی جائے گی۔

پولیس ترجمان کے مطابق، مفرور ملزمان کو کہوٹہ کے قریبی علاقے سے ایک کامیاب ٹارگٹڈ سرچ آپریشن کے دوران گرفتار کیا گیا۔ دوبارہ گرفتار ہونے والے ان خطرناک ملزمان میں ضیغم شاہ، عدیلشان اور احتشام شامل ہیں۔

دوسری طرف، سٹی پولیس آفیسر (سی پی او) راولپنڈی خالد ہمدانی کی زیرِ صدارت تھانہ کہوٹہ میں ایک اعلیٰ سطح کا اجلاس منعقد ہوا، جس میں فرار حوالاتیوں کی دوبارہ گرفتاری کے حوالے سے اب تک ہونے والی پیشرفت کا تفصیلی جائزہ لیا گیا۔ اجلاس میں بریفنگ کے دوران بتایا گیا کہ دو روز قبل پیش آنے والے اس واقعے میں مفرور ہونے والے 10 ملزمان میں سے 3 کو دوبارہ کامیابی سے پکڑ لیا گیا ہے۔ سی پی او نے تینوں گرفتار ملزمان کو فوری طور پر اسلام آباد پولیس کے حوالے کرنے کی ہدایت کی۔

سی پی او خالد ہمدانی نے احکامات جاری کرتے ہوئے کہا کہ مفرور ملزمان کی جلد از جلد گرفتاری کے لیے تمام تر سائنسی اور روایتی وسائل بروئے کار لائے جائیں۔ انہوں نے تحقیقاتی کمیٹی کو ہدایت کی کہ وہ حقائق پر مبنی رپورٹ جلد مرتب کر کے پیش کرے اور سیکیورٹی کا ایسا فول پروف نظام وضع کیا جائے تاکہ آئندہ اس طرح کے سنگین واقعات دوبارہ رونما نہ ہو سکیں۔

واضح رہے کہ دو روز قبل کہوٹہ سے راولپنڈی آنے والی ایک قیدی وین پر سیکیورٹی غفلت کے باعث اس میں موجود 34 میں سے 14 ملزمان فرار ہونے میں کامیاب ہوگئے تھے۔ ان میں سے 4 ملزمان کو واقعے کے کچھ ہی دیر بعد موقع پر گرفتار کر لیا گیا تھا، جبکہ مزید 3 کی گرفتاری کے بعد اب تک مجموعی طور پر 7 ملزمان دوبارہ پولیس کی گرفت میں آ چکے ہیں۔