LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

اسلام آباد ہائیکورٹ کا نابینا خاتون کو انصاف،بڑی رقم واپس، بینک منیجر کی گاڑیاں بھی دینے کا حکم

Web Desk

1 July 2026

اسلام آباد ہائیکورٹ نے بینک مینیجر کے ہاتھوں کروڑوں روپے کے مالی فراڈ کا شکار ہونے والی نابینا خاتون درخشاں مرزا کو بڑی قانونی کامیابی دلاتے ہوئے ایک کروڑ 92 لاکھ روپے کی رقم واپس دلوا دی ہے، جبکہ بقایا رقم کی مکمل وصولی کے لیے سزا یافتہ سابق بینک مینیجر رمیز جاوید کی دونوں گاڑیاں بھی خاتون کے حوالے کرنے کا حکم دے دیا ہے۔

کیس کی سماعت جسٹس اعظم خان اور جسٹس انعام امین منہاس پر مشتمل ڈویژن بینچ نے کی۔ عدالت عالیہ نے وفاقی تحقیقاتی ادارے (ایف آئی اے) کو سخت ہدایت جاری کی کہ سزا یافتہ ملزم رمیز جاوید کی دونوں گاڑیاں ایک ہفتے کے اندر ریکور کی جائیں اور اس حوالے سے تفصیلی رپورٹ عدالت میں جمع کرائی جائے۔ سماعت کے دوران متاثرہ نابینا خاتون درخشاں مرزا خود عدالت میں پیش ہوئیں اور انہوں نے انصاف کی فراہمی پر ججز سے مخاطب ہوتے ہوئے کہا، “آپ دونوں ججز صاحبان کا بہت بہت شکریہ۔”

سماعت کے دوران اسسٹنٹ اٹارنی جنرل عظمت بشیر تارڑ نے عدالت کو بتایا کہ درخشاں مرزا کو پہلے ہی ایک کروڑ 59 لاکھ روپے ادا کیے جا چکے ہیں جبکہ گزشتہ روز 28 لاکھ روپے اور 5 لاکھ 30 ہزار روپے کے دو مزید چیکس بھی موصول ہو چکے ہیں، جس کے بعد مجموعی طور پر اب تک ایک کروڑ 92 لاکھ روپے کی رقم واپس کی جا چکی ہے۔ انہوں نے عدالت کو یقین دہانی کرائی کہ باقی ماندہ رقم کی وصولی کے لیے ملزم کی دونوں گاڑیاں بھی ایک ہفتے میں ریکور کر لی جائیں گی۔

واضح رہے کہ سابق بینک مینیجر رمیز جاوید کروڑوں روپے کے مالی فراڈ کیس میں سزا یافتہ ہیں اور اس وقت اڈیالہ جیل میں قید کاٹ رہے ہیں۔ ان پر نابینا خاتون درخشاں مرزا کے دو کروڑ روپے سے زائد ہڑپ کرنے کا الزام ثابت ہونے پر ٹرائل کورٹ نے پانچ سال قید کی سزا سنائی تھی، جسے بعد ازاں اسلام آباد ہائیکورٹ نے بھی برقرار رکھتے ہوئے رقم کی ریکوری کا حکم دیا تھا۔ مکمل رقم واپس نہ ملنے پر درخشاں مرزا نے ہائیکورٹ میں متفرق درخواست دائر کی تھی، جس پر کارروائی کرتے ہوئے عدالت نے ایف آئی اے سے مزید پیش رفت رپورٹ طلب کرتے ہوئے کیس کی سماعت 7 جولائی تک ملتوی کر دی ہے۔