LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

آزاد کشمیر کی سیاست میں بڑا اپ سیٹ، ن لیگ اور پیپلزپارٹی کے امیدوار استحکام پاکستان پارٹی میں شامل

Web Desk

1 July 2026

آزاد جموں و کشمیر کے عام انتخابات 2026 سے قبل سیاسی منظرنامے میں ایک اہم اور بڑی تبدیلی سامنے آئی ہے۔ کوٹلی سے پاکستان پیپلز پارٹی (PPP) اور پاکستان مسلم لیگ (ن) کے دو اہم امیدوارانِ اسمبلی نے استحکام پاکستان پارٹی (IPP) میں شمولیت کا اعلان کر دیا ہے، جسے انتخابی سیاست میں ایک بڑی پیش رفت قرار دیا جا رہا ہے۔

تفصیلات کے مطابق، استحکام پاکستان پارٹی کے پیٹرن ان چیف/صدر عبدالعلیم خان سے ملاقات کے دوران ایل اے 8 (LA-8) کے امیدوار ملک ذوالفقارعلی اور ایل اے 10 (LA-10) کے امیدوار ملک محمد یوسف نے باقاعدہ طور پر آئی پی پی میں شمولیت اختیار کر لی۔ اس موقع پر عبدالعلیم خان نے نئے شامل ہونے والے رہنماؤں کا خیرمقدم کرتے ہوئے انہیں پارٹی پرچم کے مفلر پہنائے اور ان کے لیے نیک خواہشات کا اظہار کیا۔

ملاقات کے دوران عبدالعلیم خان نے گفتگو کرتے ہوئے کہا کہ استحکام پاکستان پارٹی آزاد کشمیر کے عوام کو درپیش مسائل کے مستقل حل، ترقیاتی منصوبوں اور بہتر طرزِ حکمرانی کے لیے عملی اقدامات کرے گی۔ ان کا کہنا تھا کہ جدید انفراسٹرکچر، بہتر سڑکوں اور ترقیاتی منصوبوں سے خطے میں روزگار کے نئے مواقع پیدا ہوں گے اور عوام کی دیرینہ محرومیاں دور کی جائیں گی۔ انہوں نے اس عزم کا اعادہ کیا کہ استحکام پاکستان پارٹی آئندہ آزاد کشمیر انتخابات میں بھرپور انداز میں حصہ لے گی اور عوام کے اعتماد پر پورا اترے گی۔

اس اہم موقع پر استحکام پاکستان پارٹی کے رکن قومی اسمبلی عون چوہدری بھی موجود تھے۔ ملاقات میں آزاد کشمیر کے بلدیاتی نمائندوں، سماجی و سیاسی شخصیات نے بھی شرکت کی۔ عبدالعلیم خان سے ملاقات کرنے والوں میں مسلم لیگ (ن) کے رہنما ملک محمد الیاس، چوہدری امیر قابل، ملک نظام اقبال منہاس، ملک محمد مشتاق، ملک سرمد علی، چوہدری محمد اشرف، ماجد ملک ایڈووکیٹ، ملک خالد محمود اور سابق صدر اساتذہ تنظیم حافظ کاظم ملک بھی شامل تھے۔سیاسی مبصرین کے مطابق، انتخابات سے عین قبل مختلف جماعتوں کے اہم رہنماؤں کی جانب سے وفاداریاں تبدیل کیے جانے سے آزاد کشمیر کی انتخابی فضا مزید گرم اور دلچسپ ہونے کا امکان ہے۔