اسلام آباد میں 80 کروڑ کا سمگل شدہ سامان تلف، کریک ڈاؤن جاری
Web Desk
30 June 2026
پاکستان کسٹمز نے دارالحکومت اسلام آباد میں بڑی کارروائی کرتے ہوئے 80 کروڑ روپے مالیت کی ضبط شدہ سمگل شدہ اور ممنوعہ اشیاء کو قانونی کارروائی مکمل ہونے کے بعد تلف کر دیا۔
پاکستان کسٹمز کے مطابق اسلام آباد ڈرائی پورٹ پر ایک باضابطہ تقریب کے دوران شراب، قیمتی موبائل فون، سگریٹ اور دیگر سمگل شدہ سامان کو قانونی ضابطے کے مطابق نذرِ آتش اور تلف کیا گیا۔
کسٹمز ترجمان کا اس موقع پر کہنا تھا کہ ملک بھر میں سمگلنگ کے خلاف ‘زیرو ٹالرنس پالیسی’ پر سختی سے عمل درآمد جاری ہے، کیونکہ غیر قانونی تجارت اور سمگلنگ قومی معیشت، مقامی صنعت اور قانونی کاروبار کے لیے ایک سنگین خطرہ ہے۔
پاکستان کسٹمز نے واضح کیا کہ سمگلنگ کے منظم نیٹ ورکس کے خلاف بلاامتیاز کارروائیاں جاری رہیں گی اور غیر قانونی تجارت میں ملوث عناصر کے خلاف قانون کے مطابق سخت ترین کارروائی عمل میں لائی جائے گی۔
ترجمان کے مطابق، اب انٹیلی جنس پر مبنی انسدادِ سمگلنگ کارروائیوں میں مزید تیزی لائی جا رہی ہے، جبکہ سرحدی نگرانی کے ساتھ ساتھ اندرونِ ملک انفورسمنٹ نظام کو بھی مزید جدید اور مؤثر بنایا جا رہا ہے۔ پاکستان کسٹمز نے اس عزم کا اعادہ کیا کہ قومی خزانے کے تحفظ اور ہر قسم کی سمگلنگ کے جڑ سے خاتمے کے لیے کارروائیاں بغیر کسی دباؤ کے جاری رکھی جائیں گی۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026